هلا عيني انشاء الله خير يااارب

انا سويت تحليلي في جدة وخطيبي في مكة بس مادري ايش اللي صار بالضبط .. عيني خليه هو ياخذ التحليل ويروح يطابق مو انتي .. انا اهلي اخذو التحليل وهو جا اخذو من بابا في نفس يوم سفرنا عشان كذا مادري ايش اللي صار .. واول مارجعت قالو لنا ملكه.. وعقباااالك ياااااارب

السلام عليكم و رحمة الله و بركاته ..

صباح الخير يا قماري :) ..

ضوء القمر يا قمر :) لازم مستشفى حكومي ..
لأن المستشفيات الحكومية هي المعتمدة من الحكومة
لعمل فحوص الدم و تحليل الزواج ..
وهي إللي يقبل بيها المأذون وقت العقد ..
حسب مدينتك روحي أسألي أيش المستشفى المعتمد ..
زي جدة : مستشفى الولادة والأطفال إللي في الحمراء عند المساعدية ..

ولو نتيجة التحليل مو من المستشفى الحكومي .. المأذون ما راح
يعقد القران .. لأنه مو مصرح له ..


جننتوني يا بنات جننتوني ..
مافي شي إسمه تطلع نتيجة تحليلك لحالك ..
ونتيجه تحليل العريس لحاله ..
لا تطلعو لي قرون :30: !!!!
نتيجة التحليل عبارة عن ورقة واحدة فقط ..
و تسلم لأحد الطرفين !!!!
حتى لو إنتي في بلد و هو في بلد !!!!
أجل ليش أخدو منك إسمه !!!!
و أخدو منه إسمك !!!!
عشان يسوو الإختبارت هما بنفسهم !!!!

يا عروس المدينة يا قمر :) .. نتيجة التحليل ورقة واحد فققققققط !!
يعني أسألي المستشفى فين حتطلع النتيجة ؟؟
لأنه حتى لو إنتي في بلد و هو في بلد .. كل واحد منكم يسوي
التحليل في بلده .. وبعدين تطلع النتيجة في بلد واحد فقط !!
فــــهــــــمـــــــتــــــــو :30: ؟؟
*************************
وحتلاقي نتيجة التحليل :
شهادة توافق الطرفين ..
الخاطب : فلان الفلاني
رقم أحواله المدنية
المخطوبة : فلانة الفلانية
رقم أحوالها المدنية

وتبين بالفحص المخبري .....
( و يكتبو لك نتيجة التحليل )
وبعدين فيما معناه إنه أعطيت لكم هذه الشهادة
عشان تعطوها لمن يهمه الأمر = المأذون !!
فـــــــهـــــــمـــــــــتــــــــــــــــو ؟؟
*************************
والنتيجة ياخدها الخاطب أو ولي أمر المخطوبة ..
حسب إتفاقكم .. أو حسب الندالة :23: ههههههههه ..
يعني زيي أنا :23: ما أتفقنا على شي بس رحنا أستلمناها
من راسنا بدون ما نقول له :23: .. عشان كان شوية و يجيني
إنهيار عصبي .. وبعدين على طول بلغناه و جاء أخدها ..
و يوم الملكة خلاص ياخدها المأذون عشان الأوراق الرسمية ..


و روحي شوفي دحين ساعة مباركة فجر الجمعة ..
أجلسي و أدعي ربنا يوفقك ..
و كمان عصر الجمعة فيه ساعة لايرد فيها الدعاء ..
صلي العصر .. و أجلسي صلي تطوع و صلاة الحاجة ..
وأدعي ربنا و أقرأي قرآن ألين يأدن المغرب ..
و إن شاء الله ربنا يستجيب دعائك ..
وعقبال ما تطلع نتيجتك و نبارك لك :icon28: ..
طمنينا يا قمر :) ..

تحياتي ..
جــــــــداويــــــــــــة

السلام عليكم و رحمة الله و بركاته ..

دنيتي أنا .. يا قمر :) ..
الله يسعدك ممكن أقولك ملحوظة صغيرة وما تزعلي مني ؟؟

حبيبتي لا تكتبي ( انشاء الله ) ..
أكتبي ( إن شاء الله ) ..
لأن المعنى يختلف بين الكلمتين ..
أتمنى تتقبليها مني بصدر رحب ..
و والله ما قلتها لك غير عشان لا تكسبي ذنب
إذا كتبتيها غلط ..

وترى أي خدمة من جدة أنا حاضرة :) ..


تحياتي ..
جــــــــداويـــــــــــــة

جداويه ياقلبي لاتلوميني من الكثر الخووووف وربي صارة عندي حاله ..
ياقلبي خطيبي سوى التحليل في مكه وانا من المدينه سويت بالمدينه وقالولي تعالي يوم السبت واستلمي نتيجتك ياقلبي طيب اش عرفهم في تحاليل خطيبي عرفيت فهمتني الله يسعدك ..

مثل ماقالوا الأخوات
المسألة مرة سهلة يسحبون دم ويفحصونة
والنتيجة بعد اسبوع


وألللللف مبروك مقدما00