هههههههههههه

ليش خايفة ياحياتوو ترى مايخوووف..

يحطون الأبره على يدك ويسحبوون دم...وبس

والنتيجة بعد اسبوووووووووووع :)

------

انا سويت تحليل بالسعودية وبالكويت ..

اووووووف من الكويت اخذو مني عبوتين دم .. شفطووو الدم كلة ..

واحس اني دخت ...لوول صدق انهم مجرمين ..

-----

لاتخافين هنا بالسعودية طيبوون ومايألموونك ابدآ

^____^

السلام عليكم و رحمة الله و بركاته ..

يا أختي أتوكلي على الله وسوي التحليل ..
ومافيها لا إيجابي ولا سلبي !!
ونتيجة التحليل توضح إذا فيه أمراض وراثية ولا لا ..
ونسبتها عند الطرفين ..
وإحتمال إنتقالها من الأب و الأم للأطفال في المستقبل ..
وهي يسحبو منك دم في أنبوبتين تقريبا قد أصباعك الصغير ..
ويعطوكي رقم للمراجعة وأخد النتيجة ..
وتقدري إنتي تاخدي النتيجة .. أو العريس ياخد النتيجة ..

وفي الآخر نتيجة التحليل ماتقدم ولا تأخر ولا توقف الزواج !!
يعني لو لا قدّر الله طلعت النتيجة مو كويسة لاقدّر الله
وإنتو الإتنين تبغو بعض .. مافي أحد يقدر يوقف الزواج !!
بس لازم وقت الملكة ( عقد القران ) تكون نتيجة التحليل
معاكم عشان المأذون يطلبها ..

وتطلع النتيجة بعد أسبوع بالزبط ..
والله يعينك على حرق الأعصاب طول الأسبوع :) ..
بس أدعي ربنا وصلي كتير و أطلبي الخير من الله عزوجل ..

أتمنى أكون أفدتك ..
الله يتمم لك بخير و طمنينا عنك وعالنتيجة ..
:) ..


تحياتي ..
جــــــــداويــــــــــــة

السلام عليكم و رحمة الله و بركاته ..

وترى نسيت لام يتسوى في مستشفيات معينة الحكومة
محددتها ..
زي في جدة لازم يتسوى التحليل في مستشفى الولادة ..
وكل مدينة فيها مستشفى للتحليل ..
حسب مديتنك أسألي و أتأكدي ..

تحياتي ..
جــــــــداويـــــــــــــة

السلام عليكم و رحمة الله و بركاته ..

ونسيت كمان .. الشي إللي يسوو له التحليل
هو الأنيميا المنجلية .. و الثلاسيميا ..
فــــــــــقــــــــــــــــــط ..
وسمعت من ناس إنهم يسوو كمان للأيدز بس ما تنكتب
في النتيجة !!
و حتى فحص للإدمان ما يسوو !!

وإنتي لمن تروحي ياخدو إسمك و إسم عريسك ..
و عريسك لمن يروح ياخدو منه إسمه و إسمك ..
حتى لو كنتي إنتي في مدينة و هو في مدينة ..
ويعطوكم إنتو الإتنين رقم للمراجعة ..

وبعدين يطابقو دمكم و يسوو التحاليل وتطلع النتيجة
في ورقة واحدة فقط ( مو ورقة لكي و ورقة له زي ما قالت
وحدة من الأخوات ) وتطلع بإسمكم إنتو الإتنين ..
و تعطى لمن يهمه الأمر ..

ويقدر أبوكي ياخدها .. أو عريسك ..
بس أنا ماقدرت أستحمل وكان حيجيني إنهيار عصبي من الإنتظار ..
و يوم ما كمل الأسبوع رحت من الصباح مع بابا ( لازم ولي أمر المخطوبة )
و أخدتها قبل ما ياخدها خطيبي :23: ..

ولا تنسي بعد ما تطلع النتيجة طيبة إن شاء الله روحي الحرم
و جيبي عمرة .. أو صلي ركعتين شكر لله و أدعي ربنا يوفقك
ويتمم لك بالخير :) ..

وطمنينا عنك :) ..


تحياتي ..
جــــــــداويـــــــــــــة

يابنت وينك طمنينا وش صار معاكي??