السلام عليكم و رحمة الله و بركاته ..

صباح الخير يا قمورات و يا عروسات :) ..

حبيبتي عروس المدينة تسلمي يا قمر :) ..
وإحنا كمان نحب كل الناس :) ..
و إنتي دحين وكلي أمرك لله و ما عندك غير الصلاة
والدعاء .. والله يستر عليكم و يتمم لكم بالخير ..
وإذا ما كنتو قرايب إن شاء الله 99% النتيجة طيبة :) ..
هما بس يخافو من زواج الأقارب و المشاكل الوراثية
لأنها تكون عندهم إحتمالاتها أقوى .. و مو الكل ..

و زي ما قلت لك ما عندك غير الصلاة و الدعاء ..
والله يقدم لكم الخير :) و لنا كمان معاكم ..
ترى أنا لسة ما أتجوزت :) ..

و طمنينا عنك يا قمر :) ..


تحياتي ..
جــــــــداويــــــــــــة

السلام عليكم و رحمة الله و بركاته ..

والله جالسة أفكر في حالتك يابنت المدينة و أفتكرت نفسي ..
وجلست أدعيلك والله إنو ربي يتمم لك بالخير :) ..
وهادا شي طبيعي حتى كتير ناس نعرفهم كان حالهم زي كدة ..
القلق طبيعي لا تشيلي هم ..

والله أنا هادي الأيام عديتها يوم يوم .. و ساعة ساعة ..
ودقيقة دقيقة .. وثانية ثانية .. و في الصبح أستنى يجي الليل ..
وفي الليل أستنى متى يطلع الصبح :( .. والله قللللللللللق ..

بس الحمدلله لمن تاخدي النتيجة كل دي الوساوس تروح ..
:)
وأنا أعرف ناس سوو التحليل و طلعت النتيجة بالمرة مافي توافق ..
وبرضهم أتجوزو !!
يعني لا تشيلي هم هادا الشي ..
وكل شي بيد الله عز و جل ..
وهي تطلع النتيجة يا توافق تام .. أو 50% عدم توافق ..
أو 100% عدم توافق ..
و الرأي الأخير في إتمام الزواج للعروسة و العريس ..
وإذا هادي رغبتهم محد يقدر يمنعهم ..

ولا تنسي من يوم ما تطلع النتيجة بخير إن شاء الله
تصلي صلاة شكر لله .. و حتى عريسك خلي أبوكي
يقول له يصلي صلاة شكر لله برضو :) ..


تحياتي ..
جــــــــداويــــــــــــة

الله يكون في عونك ياعروس المدينه ...
والله يكتب لكم التوافق بإذن الله ... حالتي من حالتك أنا بعد سويت الفحص ولسه ماطلعت النتيجه نتيجتي يوم السبت وبعدها أخذ ورقته لأنها عندي وأخليهم يسوون لنا تطابق علشان نشوف إذا احنا متوافقين والا لا !!

الله يخليكم يابنااااااااااااااااات أدعوا لنا يكون بيننا تطابق لأني أبغاه وهو يبغاني ..
الله يخليكم أدعوا لنا ان الله يسهل أمورنا ويسخره لي ويكتبه لي زوج صالح عاجلا غير آجل .....

جداويه ياقلبي الله يسعدك ويخليلك خطيبك يارب ..
والحمدلله خطيبي مايقربلي ..
وبالنسبه للساعات والثواني اعدها الله يستر ويعديها على خير ..
-----------------------------------------------------------------
اهمهم في قبله انا مثلك النتيجه قالوا يالسبت او الاحد الله يعدي هاليومين بسرعه يارب..
----------------------------------------------------------------
مشكورين جميعا ياحبايبي..

دخلت ابارك لـــــك ياعروووسـه
زغرطـي يام حسـن
كللللللللللوووووووووووووش

"ادعيييلي انا والعازبـــات"