يبنات انصحوني لانى جدا محتاره

السلام عليكم ورحة الله وبركاته
يبنات انا محتاره وابغي رئيكم قبل ما اقلكم المشكله
بشرح الوضع شويه انا متزوجه من 8 سنوات واهل
زوجي مكونين من 5 اولاد و4 بنات 3 من الاولاد
متزوجين وبنت واحده في بدايه زواجي واجهت
صعوبات مع اخوات زوجي الثلاثه العازبات بسبب
اختلاف الاطباع وسوء الفهم من الطرفين واكثر واحده
تعبتني نسميها بأسم أمل فهي الله يهديها من النوع
المتكبر قليلا وتشوف نفسها انها افضل من الناس بدرجه
انها لما تسلم علي انا او سلفتي تحسسنا انها سلمت
علينا تنازل منهااا المهم تعلمت كيف اجتنب شرورها
وما بيننا علاقه جديه فقط احترام افرضه عليها وما
اجالسها ابدا الا للضروره فهمتو؟ يعني علاقتي معها
غير عميقه
وهي حاليا تشتغل وشغلها في اختلاط خفيف عن
طريق التلفون فقط المهم قبل كم يوم اخذت جوالها من
يد ابني وكنت طفشانه وجلست اتصفح الرسايل مع انى
ما امسك جوالها ابدا وبين الرسايل لقيت عده رسايل
غريبه؟؟؟ وكانت من الواضح انها من رجل؟ لان
يكلمها باسمها ويقول فيه كلام فظيع ما اقدر حتى اكتبه
وها الكلام ابدا ما يخرج من بنت وصيغه المتكلم واضح
انها ولد والمشكله انها دخلت علي وانا اقرئه فقفلت
صفحت الرسايل بسرعه قبل ما تنتبه انى شفتها
واخذت من جوالها بزعل يبنات؟ ايش اسوي؟.؟؟
عمتي ما تصدق شي في بناتها لو كلمتها بتغلطني وبعيد
تكرهني وانا احب عمتي مووووت والبنات اخواتها
متاكده انهم عارفين ويخبو عليهاااا وزوجي لو قلتله راح
يجن ورد فعله راح يكون عنيف جدا وغير كده راح
الكل يعرف اني تكلمت وانا ما صدقت اننا وهم سرنا
متفقين اخيرررا يعني بالنهايه راح اخسرهم ولو قلت
لزوجي انه يقرء جوالهااا برضو راح يعرفوو لان
زوجي ماعمر مسك جوال واحده فيهم؟ ليش مسكه بعد
انا ما مسكته؟ راح تكون مفهومه؟
وهي من النوع الي ما يتقبل اي نصيحه ابدا وراح
تسوي مشكله كبيره واطلع في النهايه الظالمه ومشاء
عليها من النوع الي تستخدم علوو صوتها في النقاش
وانا ما اقدر اتفاهم مع احد بها الطريقه
ايش تنصحوني؟ اطنش وما ادخل نفسي وهي كبيره
عقلها في راسها؟ ولا ادخل معركه الله اعلم ايش نهايتها
وانا اكثر واحده راح تخسر فيها؟