يبنات عطوني حل في مشكلتي مع مدرسة بنتي

السلام عليكم ورحمة الله وبركاته
اولا حبيت اتكلم عن مشكلتي هاذي وانا لي اربع سنوات اعاني منها
عندي بنتين (((الله يخليهم لي))) متعذبات ومعذباتني معاهم بسبت المدرسه اللى يدروسون فيها
مشكلتي المدرسات يضربون ويسفهون ويتطاولون بالكلام البيذيى
اسمعوا التفاصيل:
امس جاتني بنتي اللى سنه اولى ضربتها المدرسه المنوابه على الباب لان البنت مردت عليها يوم قالت لها ابوك جاء ياخذك والا لا
فضربتها كف على وجهها والبنت جت ووجهها احمر من الكف
وبنتي الثانيه في الصف السادس طلعتها اداريه من فصلها وكان عليها حصة رياضيات عشان انها سمعت من بنات ان بنتي بتضرب بنتها وتطاولت بكلام انا ماقدر اقوله لبنتي مثلا (((ياقليلة الادب انتي اهلك ماربوكي وين امك عشان اربيها عشان تربيكي)) ردت بنتي ((ابله والله يكذبون البنات انا مابي اضربها ))) تعرفون وش قالت لبنتي قالت (((كلي............))) تعرفون وش قصدي>>>>الله يعزكم
ومدرست الرياضيات قد ضربت بنتي كف على وجهها وتفلت عليها
والمشرفه الاجتماعيه ضربت راس بنتي اللى سنه سادس بالجدار وجتني بنتي وصعرور كبير في راسها عشان بنتي نست العبايه
ومشرفة الغياب اذا غابت بنت ليش تغيبين واذا قلنا اصدق ماعجبها واذا كذبنا ماعجبها واذا ماجبنا خطاب تتكلم بكلام يعور القلب
واذا جبنا خطاب شقته ورمته فى وجه البنت والله ما ادري وش اسوي معاهم صاروا بناتي مايغيبون الا بشق الانفس
لا تقولون روحي للمديره والله تكسرت رجلي من الروحه عندها بس لا حياة لمن تنادي ترد علي اذا موب عاجبك اسحبي ملافاتهم
لاتقولون اشتكي الوزاره اشكيت الى ان جف حلقي منهم
لاتقولون انقليهم مدرسه ثانيه والله هاذي اقرب مدرسه لبيتي
لا تقولون حطيهم في مدرسه اهليه انا راتبي يالله يكفي مدرسة ولدي لان مدرسة الاولاد اللي في الحي اللى انا فيه تعبانه وانا اخاف على ولدي منهم ومن شربهم لسجار والدخان ومن هوشاتهم تقولون مصاصي دماء موب اولاد
وباقي الراتب على ديوني اللى علي وعلى البيت وابو العيال الله يعينه بعد عليه ديون
يبنات عطوني حل بنتي الصغيره صارت تخاف من المدرسه وانا ماادري وش اسوي
عطوني الحل تكفون