يبه شلونك ؟
ملل هـ الكون من دونك
يبه شلونك ؟؟
وتمضي رحلة الدنيا
بليا طلة عيونك..
يبه شلونك ؟؟
وشلون المرض وياك ؟؟
بعد ما هدك بدنياك
عسا ما تغمض جفونك ؟؟
تبي تدري عن أحبابك ؟؟
عن عيون تغنابك ؟؟
عن قلوب ٍ دفنها الشوق ..
واذا جاها الغفا جابك ..
يبه كلنا نتخيلك دوم..
نغني لك مع القمرا ..
يبه واللي خذاك بيوم
وخلى بداخلي جمرا ..
خذا .. ويا ما خذا..ويا ما..
خذا ناس يحبونك
.........................
يبه حنا غدينا كبار ..
تخرجنا وتوظفنا ..
يبه ما عاد فيه صغار ..
يموج بـ هـ الزمن كل شى ..
وحنا ما تموجنا ..
على ذاك العهد نسري..
نبيع العمر والدنيا ..
ولا تخلف بنا ظنونك
يبه شلونك ؟؟
تبي تدري عن أخباري ؟؟
عن أفكاري وتذكاري ؟؟
اشيلك داخلي جمره..
وبعيون الحزن عبره..
تغرقني ..وتحرقني..
أشوفك نجمة ٍ تجبر
مراعيها يراعيها ..
أشوفك للرجولة اسم.
.........................
أذا شد الزمن تقسى ..
واحلم من معاني الحلم ..
أحسبك مقبل ٍ بكره
وعيّا لا يجي بكره
يبه تذكر زمان مر ؟؟
لا قالوا الصبر ؟؟
هو أحلى ما في العمر ..
.........................
يبه تذكر مجالسنا ؟
ومقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد ؟ وبشت العيد ؟
يبه تذكر سوالفنا ؟
لأجل هذا ...
وكل هذا ...
أقووووول اليوم يا بيي ..
ملل هـ الكون من دونك ....
لعيون مغليني ... @laayon_mghlyny_1
عضوة جديدة
يلزم عليك تسجيل الدخول أولًا لكتابة تعليق.
جداااااااا روووعه مؤثرررره مرررررررره :(
يعطيك العافيه حبيبتي
الله يخليي لنا آبائنا يااارب
يعطيك العافيه حبيبتي
الله يخليي لنا آبائنا يااارب
الصفحة الأخيرة
قريتها مراااااااااات
ماقدرت اتمالك نفسي
بكيت :(
الله لا يخليني منه ويطولي بعمره:arb: