يبون يسجنون زوجي حسبي الله عليهم ونعم الوكيل

السلام عليكم


انا عندي مشكلة كبيرررة والله ولا اعرف وش اسوي

مو قادرة اكلم وافضفض لحد من اهلي لان زوجي ما يبي حد يعرف بالموضوع والناس تشمت فيه بس اخوانه يعرفون بالسالفه

زوجي في يوم من الايام تورط بمشروع تجاري ونصبوا عليه وخسر مبلغ كبيررررررررررررر

وهو اصلا ماخذ الفلوس لهذا المشروع سلف من اصدقائه وهم 6اشخاص

وكان متفق معهم ان يعطي لاصحابه (( اللي سلفوه المبلغ ))جزء من الارباح اذا ربح المشروع بالاضافة الى اموالهم

وظل الشروع ماشي والاموال تدخل عليه وكان كل شهر يعطي لاصحابة نصيبهم من الربح لكن زوجي ما كان ياخذ نصيبه كان يقول اهم شي يسدد فلوس اصدقائه

وفجأة توقفت الارباح وراح الجمل بما حمل وراحت فلوسهم

لكن اصحابه حسبي الله عليهم من وقفت الارباح كل واحد قال يبي فلوسه قام زوجي قالهم انتوا اخذتوا ارباح اكثر من فلوسكم !!!

قالوا اصحابه لا نبي فلوسنا وزوجي ولا فلس عنده ومرت علينا ايام والله يا بنات ما كنا نحصل ثمن حليب ولدي واقسم بالله لكن كنا صابرين وندعي ربنا ونحمده ونشكره على كل حال

واصحابه اللي اشتكى واللي راح المحكمة وصاروا يخصموا من راتب زوجي لهم وكل واحد له نسبة من راتب زوجي حتى اجار الشقة ما نقدر عليه ولا مصروف البيت بس اخوه يساعده بمبلغ شهري :(


لكن واحد من اصحابه راح لمحامية و هالمحامية علمته وش يسوي عشان يضغطوا على زوجي يدفع لهم الفلوس

زوجي جاء عليه امس امر قبض >>>يعني طلبوه المركز بيسجنونه

لان مثل ما قلت لك من قبل علينا دين كبير وكثرت الشكاوي

واللي عنده محامية وقامت رفعت على زوجي امر قبض وتعميم عليه

يعني ما يقدر يطلع ويسافر و راتبه ما ينزلونه له يعني نصير بدون راتب ولا نستلم ريال والراتب كله يروح لشخص اللي اشتكى

والبنك يرفع علينا قضية لانهم بالبنك يبون قسط القرض اللي علينا واذا رفع البنك علينا قضية بالاضافة لتعميم زوجي بيفنشونه من شغله يعني راح يسرحونه بعدها

بعدين اذا فنشوه ما راح يكون فيه راتب عشان يشيلونه للشخص اللي اشتكى

وبعدها راح ينسجن :(

والله من امس وانا افكر وابكي صرت مثل المجنونة ما اعرف وش نسوي

بس اخو زوجي طيب عرض عليه ياخذ له قرض ويسدد ديونه بس القرض هذا حرااام وربا وما في بنوك اسلامية عندنا

يعني يا اخو زوجي يسدد دينه بالقرض والربا والحرام او ينسجن زوجي

والله ما عارفة وش اسوي والمصيبة ان عندي امتحانين بعد بكرة وومخي مشتت لا قادرة ادرس ولا اسوي شي


ادري طولت عليكم بس وش اسوي ابي اكلم اي احد اطلع اللي بقلبي

وانا في كل صلاة ادعي ودعاء قضاء الدين كتبته لزوجي وخليته معه كل يوم يقراه


شوروا علي وش اسوي اخلي زوجي يطلب من اخوه القرض بالربا والحرام والا نصبر بس اخاف يسجنونه !!!


تكفون بنات لا تطنشوني والله بنفجر