يبيني اسوي فحص يتأكد اني شريفة!!!!!

السلام عليكم...

يابنات انا كتبت مشاكلي مع خطيبي فهالقسم قبل .. واعتقد ان بعضكم يتذكر اللي كتبيته..

اليوم جا زارني خطيبي (احنا متملكين) وقعدنا نسولف ونتكلم لان من زمان ماشفته..
وفجأة قالي ابي اكلمج فموضوع بيضايقج بس لازم اقوله..

تدرون وش الموضوع؟؟؟

يبيني قبل العرس اسوي فحص عشان يعرف اذا كنت عذراء او لا .. واذا كنت سويت شي مع حد قبل!!!!

انا حسيت ان الدنيا لفت فيني وقسما بالله يابنات رجلي صرت مااحس فيها ..
وكانه الطوفة طاحت علي..
وقمت اصيح بطريقة هستيرية.. وهو قعد يسكتني عشان محد يسمعني...
سكتت وقلتله لهالدرجة وصل فيك الشك؟؟
قالي انا عارفج عدل!!! بس ابي اتاكد واعيش مرتاح وانا وايد اسمع واشوف سوالف من ربعي الشباب..
وهالشي فمصلحتج انتي عشان باجر مااغلط عليج او اقط عليج كلام يجرحج واقولج اانا اشك فيج.. واذا انتي واثقة من نفسج ليش تصيحين وتكبرين السالفة..
قلتله انا اصيح لان تفكيرك وصل لهالدرجة ولان شكك وصل لهالدرجة...
وقلتله انا بروح اسوي الفحص باجر مب قبل العرس مثل ماانت تبي لاني واثقة من نفسي..

بس انا اللي ماقلته له اني عقب مااسوي الفحص ... بقط التقرير الطبي على وجهه واطلب منه يطلقني...

وقالي وايد ناس يسوونه قلتله وايد نس مثل من انت تعرف حد قالي لا... وقالي حتى فالسعودية ودول وايد هالشي لازم يسوونه يعني مفروض من الدولة (هل هالشي صح يابنات السعودية)

والفحص الطبي قبل الزواج يكون حق شنو يابنات .. ابس اعرف..


والله يابنات محتاجتكم .. ادعولي الله يصبرني ... احس اني مريضة والله وللحين مدري شفيني والله احس ان اعصابي بتنهار ولا بيصير فيني شي..