والله العظيم ان درودكم ودعواتكم وسؤالكم عني يفرحني وينسيني همي...
الله لايحرمني منكم .. وادعي الله يجمعنا فجنته الواسعة مثل ماجمعنا فهالمنتدى يااغلى خوااااات فالدنيا..

انا رحت سويت الفحص وخذت الورقة وقلتله بروح اسوي نسخه وخليته ينسخها ..
واخذت منها نسخة... وانا رايحة ماتكلمت وانا راجعة فالطريق بعد ماتكلمت بس خذت الورقة وقلتله مبروووك زوجتك طلعت شريفة.. وهو طول الطريق يحاول يتكلم ويمزح وانا ولا ابس اطالع وجهه..ويوم وصلت البيت قلتله وانا نازلة ابيك تتصل حق ابوي وتحدد وقت عشان تجي تطلقني وسكرت الباب ودشيت البيت وهو يناديني وسكرت جوالي..

اول مارجعت اتصلت حق امه وقلتلها السالفة وامه قعدت تكلمني وتتأسف والمسكينة والله ماكنت ابي احطها فهالموقف وقالتلي اذا انا امه يشك فيني وايقولي انتي تكلمين واحد ؟؟ وخواته يشك فيهم ..قالتلي اليوم المغرب بتجيبه وتجي بيتنا..
وعلمت هلي وابوي وااايد عصب وقالي مالج قعدة ويا هالرجال..

اليوم عقب المغرب بقولكم شصار..

غاليتي بنت ناس اسال الله العظيم ان يعوضك باللي احسن منه
والمفروض اذا هو كذا يتعالج قبل مايرتبط باحد ثاني
الله يوفقك ان شا الله ويرزقك باللي يقدرك وتصيرين ملكه في عينه
في امان الله

هلا حبيبتي والحمد لله أن أمورك سارت مثل ما تتمنين .......

لكن ما أوصيك إياك ثم إياك تضعفين وتتنازلين عن الطلاق .......إفتكي منه حبيبتي ......

وبعدين تكفيك كلمة أمه ...انه يشك فيها وفي خواااته .......هذا ما ينعاش معه وأنا اختك .....

انا أقولك انقذي نفسك من الزواج بأسوأ انواع الرجال (((الشكاك))........

وصدقيني هذا مو بس شكاك هذا مريض ...أجل يشك بأمة اللي جابته ..!!!!!!!......وين عايشين !!

......

ولا تنسين تطمنينا عليك

دوري

حسبنا الله و نعم الوكيل.
اللهم أجرها في مصيبتها و اخلفها خيرا منها.

بنت نااااااااااااااااس

الصراحه فعلا بنت رجال
زين سويتي
انا ماشفت الموضوع من البدايه توني اشوفه
والصراحه البنات كفوو ووفوو
وزين سويتي وعين العقل
والله يوفقج انشالله ويعوضج بريال يعرف قيمتج امين يارب
ةهذا مايستاهل حتا دمعه عليه واذا بتتحسفين تحسفي علي الايام اللي ظاعت معاه بس