يبي رقم جوالي السري ورفضت

انا حاطه شريحت البينات بجوالي وباثه للبيت وزوجي اخذ الجوال معاه لان النت حقه مخلص
بعد ساعتين قال الجوال قفل كم الرقم ابغى ابث قلت لا معليش خذ الشريحه اما جوالي لا جواله فيه شريحتين يقدر يشيل وحده ويحط البيانات قال،انا بعيد بسرعه مايمدي اجي البيت والله مافتشه بس كم الرقم قلت لا
طبعا جوالي ماخاف الا من الواتس كله حش وصور لاخواني واخواتي وانا صور استهبال تفشل
وغير مقاطع رقصنا ورقص اخواني وعيال اخوي لانها بيننا بس وانا بطبعي مامسحح شي. من الواتس
وغير قروبات كلها حش وياما تكلمت فيه لما يقهرني يعني مصيبه لويفتحه
امار برامج ثانيه ماعندي وخفت بعد يفتح النت يشوف ملفي هنا بالمنتدى
المهم يعني جوالي كله اسرراري
دقى مره ثانيه قلت معليش جوالي خاص فيني ماراح اعطيك الرقم
قال اجل ماتلزميني ولا اضب وحده زيك الله اعلم وش اللي ماتبغيني اشوفه
قسم بالله يابنات خمس دقايق وهو بالبيت والمكان لللي وصفه علي يوم اتصل،كان بعيد يبعد 20 دقيقه
ودخل وهو ساكت قلت وين جوالي قال كسرته طحنته قلت روح جيبه قال والله كسرته
قلت معاك 5 دقايق ان ماجبته تحمل اللي يجيك
ومطنشني ويضحك بطريقة مستفزه قلت جوالي فيه ارقام السرريه حقت البنوك وارقامي كلها مخزنه فيه وغير معلومات حسابي ووووو يقول انا رجال من حقي اشوف جوالك انا رب البيت هنا قلت لا مو من حقك ولو اشتكيك راح اغرمك قال ماخذت منك شي مالك شي عندي
قال يابنت والله طحنته لاحظن يابنات حلف انه كسره وهو قبل حلف انه ماراح يفتشه وجا ع طول بعد المكالمه معناه يبي يفتشه
بنات قسم بالله انعمت عيوني من القهر
قلت لعيالي خشو جوا باقول لابوكم حاجه
قال خلكم ياويل اللي يقوم
وعيني ماتشوف اللي قدامي وانا اخذ جواله قلت والله ماتاخذه غير لما تجيب جوالي وادس جوالي بصدري. واتربع واختكم بالله دبدوبه ويحاول ياخذه ماقدر ويخنقني قلت والله لو روحي تطلع بيدك ماتاخذه قال كل هذا علشان جوال قلت ايه ومشخت رقبته ومسكت دقنه بغيت انتفها بيدي
حسيت القهر اللي جواي جا الوقت اطلعه نفسي اضربه اضربه
ويشدني لما قطع ثوبي ويمسك خشمي ويلوي يدي قسم بالله من القهر اللي فيني ماحسيت بشي
الا يجيني كف قوي خدر خدي وسمعت طوووووط ارتخيت لاشعوريا وطشيت جواله بوجهه قلت انت حيوان انت كلب انت انت انت الله ياخذك قال تسبيني وتبيني اخليك ع ذمتي قلت انت ايش من حلاة الحياه معاك
بنات قسم بالله يافيني قهر قهر اكرهه
قلت والله ان صار بجوالي شي ان لافضح عند العالم واروح الحين للشرطه بمنظري هذا قال،ااتحداك ماتسوي شي قال والله اني متزوج رجال مو حرمه قلت ايه رجال انا اللي اكد عالبيت وانت متسدح بالبيت وانا رايحه جايه للسوق اقضي واتسلف
وجنبنا جيران يعرفهم وكان ماسك نفسه عني وجهه انقلب خايف انهم سمعونا انا بطبعي نغمة صوتي واطيه وكنت اتكلم بصوت واطي يعني ضامنه انهم ماسمعو صوتي قال لولدي ودها لاهلها والله ماتعيش بييتي واخذت عبايتي باروح المستشفى لان خشمس صار بنفسجي اطلع تقرير وركبت السياره بيوديني ولدي وولدي الصغير بالبيت يبكي بيروح معاي ولقيت جوالي بالسياره مهو متكسر ورجعت للبيت وهو نايم ابغاه يفهم جوالي خط احمر مايقربه وانا اتوقع لان جوالي فيه أشياء تخصه كان يرسلها لي احتفظ فيها عندي مساحه كبيره ولا كان كسره رجعت علشاان ولدي مستجد وفرحان بالمدرسه
الحين نايم ومدري ع ايش ناوي بس دايم كذا يهدد اني ماجلس معاه ومايسوي شي
بنات لاتلومو ردة فعلي انا مضغوطه منه من سنين وكسر 6 جوالات لي قلت هالمره ماسكت
بنات اسرار بيتي باذن امه كان يضربني ينزل لهم يقول ضربتها وامه واخوانه ينشرو الخبر انه يضربني وانا مستره ع بيتي
يسبني ويسب شرفي يقول عني قح... وشر....
ويسب اهلي واخواني اذا تكلم كانه صحابي وحنا قريش
كنه مسلم وحنا يهود
فيني غبببنه ابغى اعيش حياه هاديه ومحترمه كلامه كله سب سب كنت اطنش اطنش لين ماتفجرت
وكلكم عارفيني وعارفين كيف عايشه معاه شبه الرجل مايحتاج اعيد وازيد
اذا رحت لاهلي ماراح ارجع ابوي حالف اخر فرصه له بعد ماطلقني مره ومره وداني بسبب مشكله
وانا مكافحه علشان عيالي اذا تركتهم ماراح يسوي لهم شي قسم بالله اني انا اللي اروح واجي واحرم نفسي باشياء علشانهم احرم نفسي واعطيهم بالمقابل هو اهم شي عنده هياطه قدام العالم ويعطي الناس بدون مايفكر اهم شي يمدحوه وعندنا يحاسبنا ع كل شي
بنات معاي حق ماعطيه رقم جوالي وهو ماعمره اعطاني الرقم يقول ماستامن لك تفتشي وكل ماطلب جوالي اقول خلاص عطني جوالك اول يقول تخسي


اعذروني ان طفشتكم بمشاكلي بس ارتاح اذا كتبت هنا