يبي عيال ويبي دلال ويبي صنم بالبيت جالس ليل نهار

بنات صارت مشكله تافهه بيني وبين زوجي
كتبت عنها هنا قبل البارحه
عضوات غلطوني وعضوات غلطوا زوجي
وانا تعوذت من ابليس
ومن امس احاول اراضيه وهو رافض
وقالب علي 180 درجة
وامس طالب له عشاء ومافكر يسالني
وانا توي طالعه من النفاس ومحتاسه بالبيبي الجديد
مع ذلك تركته براحته
واليوم طلبت منه اكلم السواق اروح لاهلي
اتغدى عندهم واتقهوى واغير جو واجي بالليل
رفض وقال انا اوديكم.. ماتركبون مع سواق!
قلت له مو معقوله تودينا كل يوم
قال وليه اصلا تروحين لاهلك كل يوم
قلت له طول يومي منزرعه باليت مع البزارين مليت وتعبت
محتاجه اشم نفسي شوي.. القى لي لقمه عالاقل
المهم رفع صوته وعصب ورفض
وقلت له انا من قبل اتزوجك عادي اروح مع سواق
قال وانا كنت مدلل قبل اخذك!!




انقهرررررت من جملته هذي
قلت له محد جبرك تطق باب بيتنا وتاخذني
قال الكلام معك مضيعه وقت وقفل الخط بوجهي!!


بنات انا لي يومين مقابله 4 جدران
اول يخفف علي ساعه المغرب اللي يجلسها معي
بس دامه زعلان ومصر مايرضى وساحب علي
اضعف الايمان اجلس كم ساعه افرفش عند اهلي
هو اللي حدني لهالشي
وزي هو ماتغير على شي تافه انا بعد طبيعي اتغير
ماعندي استعداد اصير ممساحه له بالبيت
يدخل ويطلع وانا الاحق عياله طول اليوم
انا بشر ولي احساس ومشاعر
اوكي واذا غلطت ماهو ذاك الشي الكبير
اعتذرت وضميت وتميلحت وهو صاد ومعند
خير يعني تبغاني اسجد لك.. ذا اللي ناقص بعد
كرهني بجلسه البيت
ومستكثر علي اروح لاهلي كم ساعه
بحجه ان اللي تركب مع السواق زوجها ديوث
كأني بجلس بحضن السواق مو بكرسي ورا!!
فوق كذا يعايرني انه مو مدلل معي
طيب ليه تفرض علي طفلين في 4 سنوات مابينهم فرق عمر
يبون عيال ويبون هدوء ويبون دلال ماتجي والله
مالت على حظي المعفن
حبيت افضفض بس
اعذرون