ونسيت اقولك انا ب3 سنوات جبت بنت وولد
والحين يبي وتونا ماكملنا الرابعه ورفضت لان خلاص اشوف نفسي صرت عصبيه لو اجيب واحد وراهم بنجن قلت له تلقاني بالشارع منهبله
وبالنسبه للسواق انا من تزوجت هو رافض وهو يوديني ويجيبني وانتظره لين يجي وعادي بالعكس لانه يحبك يخاف عليك والحين والله الوقت مو مثل قبل 3 سنوات ولا4 سنوات كثرت سوالف الخطف وداعش والله ماركب مع غريب مادري وش عنده من نيه

اختي ولاواحد فيكم غلطان لاانتي ولازوجك
لان الشيطان بينكم اعوذبالله منهم ومعصبك ومعصب زوجك ووقت الغضب الانسان يكفر بالله مو بس يكفر باحسان زوجته!


تعوذي من ابليس وهو اعتذر وانتي رفضتي وبعدين انتي اعتذرتي وهو رفض يعني تعادلتووو
فلاتزعلين منه


المهم الي عليك الان انه تتذكرين اية ولاتنسو الفضل بينكم فتتذكرين حسناته معاك


والامر الاخر تحمدين الله ع نعمة الاطفال لاعبيهم واضحكي معهم والله اللعب معهم يخفف كثيير ويعوض بعض الشي عن جلسة الاهل


واهمممممم شي استغفري واقراي البقره لان الي بينكم من الشيطان قد يكون احدكم اذنب ذنب ف ادبه الله بزوجه مثل الصالح الي قال اعرف اني اذنبت بتعسر زوجتي ودابتي


ويمكن ابتلاء من الله


الان انتي توجهتي له وهو رافض يسمع منك


فعيشي حياتك طبيعي وتعاملي معه طبيعي ولاااتطبين منه رضا او مسامحه او اعتذار خلاص اعتذرتي


لكن اطلبي من الله سبحانه...رد موسى عليه السلام لامه....وسخر البحر لموسى والان الحديد لداود وقادر سبحانه يسخرلك زوجك ويلينه لك ويرده لك ردا جميلا


ادعي بسجودك واستغفري كثير بكل اوقاتك

حبيبتي انتي مضغوطه ترا المضغوط يتنرفز بسرعه وهذا الحال


شي ثاني انتي لما اعتذرتي هو رفض ولما شافك مطنشه قال اوديك بغرض انه يرضيك ويقبل اعتذراك حتي لو قالها معصب او بكبرياء هي بدايه الرضا كذا


مو قصده سواق بذاك الوقت بغض النظر عن مبدأه للسواقين لكن كنوع من كسر الحواجز بطريقه ماتهين كرامته


الغرض من طلبك للروحه تستانسين مع اهلك فما راح يشكل معك فرق اذا معاه او مع سواق او مع احد محارمك حتي


انتي مضغوطه شخصيا لذلك اي كلمه تتضخم عندك وهو ك رد فعل لضغطك انضغط معاك وصار يفرغ فيك


اللي تمرين فيه طبيعي بعد جهد نفاس واطفال ورا بعض


تحتاجين نقاهه فعليا
تحتاجين راحه جسديه ونفسيه
تحتاجين وقت لنفسك
تحتاجين للنوم
فعليا الزوجه اذا قل نومها خرب جوها وانا اول وحده هههههههههههه وتقعد طول يومها ع اعصابها ومنفسه ويادوب تقوم باي مجهود يجي احد يقول شي .. ياساتر يطلع الديناصور اللي فيها ههههه


روحي لاهلك يومين ثلاثه لو اسبوع
اذا اهلك متعاونين اطلبي منهم فقط لو كنتي نايمه وصحوا اطفالك ياخذونهم عنك باقي يومك تقومين فيهم
خذيهم معاك مشاوير ع قد ماتتعبين حاولي تستمتعييييييين
افرضي المتعه بوضعك فرض بابسط الاشياء
واذا رجعتي لزوجك سوي حركة وحده بس


ضميه ضمه قويه حتي لو مابادلك اياها وقوليله اشتقت لك ولاتنتظرين رد عادي روحي واتركيه وقومي ببيتك يوم يومين وبعدها بيجيك علي خشمه
انشغلي بعيالك وبيتك وقت المشاكل عن زوجك فرغي ضغوطاتك فيهم
واسلوب الند بالند ماتمشي مع الرجال
ولما تطلبين شي لاتدخلين موضوع بموضوع


مثل / قلتي بروح مع السواق رفض قال بوديك قولي اوك بتجهز
مو تقولين كنت عند اهلي اروح بسواق !
انتي بكذا دخلتي موضوع ثاني تناقشتو فيه زاد الفجوة وانتي ماخذتي اللي تبين بالموضوع الاول


لعلمك ماقول كلك اخطاء كلنا نمر بمرحله ضغوطات مثل اللي تمرين فيها بالضبط وتمر ونتعداها ونتذكرها ونتعلم منها


وزوجك مع وضع الطفل الثاني بدا يحس بالضغط بعد ك اب وزوج ومسؤليات .. فقد الدلال واللي هو رفاهيته وعزوبيته وحريته
كلكم مسؤلين تماما عن وضعكم حتي زوجك ماهو اقل منك مسؤليه فالمواقف اللي تصير


عطو نفسكم مساحه راحه او هدنه

راح اقول حل يريحك طيب اطلبي من زوجك خدامه تساعدك او جيبي شغاله بالساعات وحاولي تدخلين تحفيظ دوري تحفيظ فيها حضانه راح ترتاح نفسيتك

ياسلام عليكم يا بنات
اللي قالوا لي طنشي ولعبي عيالك
سويت اللي قلتوا
ولما جاء من دوامه ماناظرته وهو اللي دخل سلم
عكس امس لمت دخل لاسلام ولا كلام
والمغرب حطيت قهوه وحلا مع عيالي
وبعد ساعه جاء بيجلس معنا
تركته ورحت ارتب غرفتي وهو متنح ههههه
عساني بس استمر كذا
مشكلتي لساني.. اذا استفزني مقدر اسكت