السلام عليكم ورحمة الله وبركاته
ابيكم تنصحوني شكلي طفشتكم بمشاكلي السالفه ومافيها كنت عند اهلي زوجي اتصل علي قال بمرك علشان في اوراق مضيعها ابيك تدورينها المهم جيت معه ولقيت الاوراق ورجعت معه علشان يوصلني لاهلي في الطريق قال لي لو تزوجت عليك وش تسوين قلت وانا اضحك بطلب الطلاق احس ضاقت فيه الدنيا قلت شفيك امزح قال تدرين ابوي يبيني اطلقك علشان في سالفه عليك وعلى امك والله يابنات تلفيق بتلفيق وبكيت قلت حرام عليه انا وش سويت المهم اتصلت بابوي وانا مع زوجي وعلمته قلت الحين تجي لعمي وتفهمه ابوي عصب وجاء عند عمي وقال ليه تبي بنتي تتطلق تدرون وش رد >>> قال مين يقول قال هي اتصلت تبكي تقول عمي يبي زوجي يطلقني قال لا كذب يمكن زوجها يبي يطلقها وانا وش دخلني ياناس رجال كبير ويكذب المهم قلت لزوجي ليه تتحجج بابوك قل بطلق وخلاص حلف بالله انه ابوه من ثاني شهر بزواجنا يبيه يطلقني وقال عطها ابره تمنع الحمل وسنه وطلقها >> شفتوا الصدمه
زوجي طبعا يبي يتاكد من السالفه اللي طالعه علي والسالفه ذي فيها محاكم واخته تقول لزوجي لازم تادبها هذي ماتستحي تسوي مشاكل لاني علمت ابوي >> وهم كانوا بيخربون بيتي
وزوجي طبعا مو مصدقهم وقال زوجتي تبي تعرف الحقيقه يوم الله كذبكم قمتم تتبلون عليها
فانا طلبت بيت لحالي لاني ساكنه معهم وابوي كلم زوجي قال لازم تطلع بنتي لحالها من الاساس زوجي يبي يطلع فقال لامه وش سوت امه ؟؟ بكت وتقول هذي تبي تبعدك عنا ومن هالكلام طبعا البيت اتكنسل وعمي يبي زوجي يطلقني قولوا لي وش اسوي؟؟؟؟؟؟؟
ماقول غير حسبي الله ونعم الوكيل على من ظلمني ويبي يفرقنا
اللهم اجعل كيده في نحره واجعل تدبيره تدميرا
نسيته ونساني بقوه @nsyth_onsany_bkoh
عضوة جديدة
يلزم عليك تسجيل الدخول أولًا لكتابة تعليق.
فعلا حسبك الله ونعم الوكيل اذا انتي تعرفين السالفه حاولي تفهمينه واذا هويقدر على امه خليه يفهمها وهي تفهم ابوه بدون ماتقولهانكم اللي مرسلينها او خلي زوجك يشوفله واحد عاقل وفاهم وله تأثير على ابوه ويخليه يكلمه وانتي ادعي ربك انه يفرج عليك وانتبهي لتتكلمين عنهم عنده علشان ما تقسينه عليك قولي الله يهديهم والله يصلح شانكم
الصفحة الأخيرة
النفع والضر بيدي الخالق مو المخلوق دايما استغفري وادعي في السجود <اللهم اكفينهم بما شئت وكيف شئت انك على ما تشاء قدير> و اقرئي يس بنية التوفيق بينك وبين زوجك وربي يريح قلبك ويصرف عنك الهم ويكتب لك كل خير