يبي يسافر 4 سنين (بموووووووت) افكر اطلب الطلاق

السلام عليكم
بنات اغلبكم حبيباتي وصديقاتي وتعرفون حكايتي

وللي مايعرفها انا مملكه على ولد عمي

بنات قبل فتره كانوا اهلي ضاغطين علي عشان نتزوج بسرعه وخطيبي كان رافض الفكره تماما
وكنت كل مافتحت الموضوع يعصب ويزعل ويتضايق


انا طنشت وقلت خلاص ماله داعي كثر الضغط يولد الانفجار وسكت وتحملت وقلت الله سبحانه بيحلها

خلال هالفتره صارت مشاكل وتصرفات كثيييييييييييييييييييييييييره يابنات احس كل مره انصدم فيه وكل مره احس اني غلطت بختياري وان حبي له مجرد وهم انا اخترعته

مابي اذكر المشاكل اللي صارت بس بقولكم على الفتره الاخيره واللي خلالها انقطعت عن المنتدى وعن العالم كله

قبل فتره انا تعبت نفسيا من الجامعه ومن الضغط النفسي حق الزواج واني افكر فيه 24 ساعه وهو اخر هتمامته الزواج

وللاسف صار عندي انهيار عصبي شديد ودخلت المستشفى وطلعت وكان هو مسافر مع اصدقائه ولما رجع طبعا اكتشفت ان السفره كانت كلها لعب وحركات شباب وانصدمت وتهاوشت معاه وتخيلوا والله كنت قبلها بيومين طالعه من المستشفى بدل مايريحني ويراعي مشاعري وخصوصا ان سبب التعب نفسي
قام يهاوشني ويقولي انا بسافر على كيفي ومو انتي اللي تتحكمين فيني وانا حر وانتي بتخسريني بتصرفاتك هذي
وطلع من البيت وانا ابكي وحالتي في الارض وشئ طبيعي لاني كنت منهاره اصلا
طبعا ماكملت ربع ساعه الا وانا متشنجه ورجعت لي الحاله ودخلت المستشفى وجاني في المستشفى وراضاني ولزق فيني لزقه قويه وانا مابي اتعب نفسي ابي اشتري اعصابي لان كانت تجيني حالة تشنج ولا احس بالعالم واذا صحيت احس بتعب

المهم الموضوع انتهى وصرت احاول اريح اعصابي وافكر بدراستي مع اني للأسف خسرتها وخسرت اغلب المواد وهذي اول مره في حياتي احس اني فاشله في دراستي وفي حياتي الخاصه


الحين وبعد تقريبا شهرين من التعب النفسي والحاله النفسيه الزفت اللي كنت فيها والله يبنات تمر ايام علي ما اقوم من فراشي عذبت امي ياحبي لها والله اني الحين احس بالذنب والسبب امي

الحين تخرج هو من دراسته والمفروض يدور على وظيفه والله يابنات ابوي ماخلى شئ ماسواه له واسطات وخرابيط وابوه اللي هو ابوه ماسوا له شئ
ذاك اليوم دق علي وقالي ابوك ماعنده سالفه هو وواسطاته اصلا ابوك مايسوي هالشئ عشاني يسويه عشانك انتي وانا مابي وظيفه انا ابي اسافر امريكا وقدمت على البعثات ومسافر خلاص
قلت له وانا
قال وانتي خليك هنا لين ارجع قلت له حرام عليك بتخليني 4سنين وتضيع عمري وترجع والله يعلم بترجع لحالك ولا معاك زوجه وعيال بعد
قال شوفي لاتكلميني عن الموضوع انا مسافر مسافر

ولاتحاولين تدخلين اهلك بالموضوع لانهم مايرح يقدرون يغيرون رايي وابسط شئ بقولهم هذي بنتكم عندكم وانا مسافر

انا عصبت وزعلت ورجعت ضيقه الصدر والحاله النفسيه الزفت

وبعدها بيومين يقولي انا ابي اتوظف واجمع فلوس واروح
احسه متررررررردد

بنات انا مستحيل اتخيل انه يسافر وانا انتظره لاني مطلقه ولا متزوجه
والادهى والامر انه يقولي انتي ماتقررني ولا شئ انتي تمشين ورائي وانتي ساكته اي قرار اتخذه تسوينه وانتي ساكته

لاتقولن لي كلمياو خلي اهلك يكلمون اهله لان اهله مررررررررره ماهم متعاونين ورافعين يدهم عن اي موضوع يخصه وبيفرحون لان بينا مشاكل اصلا



بنات مادري وش اسوي

ادري اني طولت عليكم بس والله مالي الا الله ثم انتم ادعوا لي انصحوني قولولي انا مابي اتعب امي والله مسكينه سكرها يرتفع وحالتها تصير حالة اذا شافتني متضايقه تخاف اني ادخل المستشفى مره ثالثه

بنات تكفون لاتخلوني