يتبع......ملف كل من موعد ولادتها شهر اربعة............حياكم

السلام عليكم ورحمة الله وبركاتة
حبيبتى كيف احوالك
ربنا يعدى الفترة الباقية من الحمل بسرعة وخير وتشوفى البيبى بين ايديكى بصحة وعافية باذن الله انتى وكل بنات عالم حواء الحوامل ويرزق كل من تتمنى الحمل الذرية الصالحة باذن الله

صحيح ام هنود انا بعد ادور الموضوع وما حصلته

زين انك فتحتي غيره

أعتقد كلنا دخلنا شهرنا السادس .. يعني هانت قربنا نروح للثلث الاخير من الحمل

أقول.. كنت اسمع كتير بنات يتكلمون عن نزول لبن السرسوب او حليب الثدي في هالفترة

أحد لاحظ هالشيء ؟؟؟ وفي قالوا انه مع الضغط على الصدر ينزل الحليب .. وانا جالسه احاول .. ودي اشوف هالشيء .. احسها وناسه خصوصا انه اول حمل لي وبيكون شيء جديد علي.

كمان ودي اعرف المشي في هالفترة غلط ولا عادي ؟؟ وخصوصا على السير بالبيت ؟؟ ياريت الدكاترة يفيدونا .


الله يتمم علينا بالخير انشالله.

..

هلوين والله ام هنووود مشكوره على تجديد الملف صراحه ضاع ما عاد لقيناه

انا الان لي 21 يوم في السادس احس السادس سريع يعني ان شاء الله بقي علي 9 ايام وادخل السابع

بالنسبه للحليب من الصدر مو كل الامهات يطلع منها ولا تعصرين صدرك ترى يلتهب اذا طلع من نفسه لكن لا تحفزينه انتي

يعني انا مثلا على قولت ابو العيال العوامه عندي خربانه هههههه<<<خزان

اذا رضعت ينزل الحليب من صدري ويوصخني لمدة سنه كامله

وفيه حريم ما شاء الله ترضع ولا يوصخ ملابسها الحليب مع ان حليبها كثير يعني على حسب

الله يهون علينا ويرزقنا الذريه الصالحه يا رب

مشكوره اختي على فتحح الموضوع
انا قالت لي الدكتوره انه موعد الولاده باذن الله بتكون في 29/4/2005
الله يقرب هذاك اليوم ويثبت حملنا ويرزقنا بالذريه الصالحه
سلامي للجميع:)

أهلين بنات ألحين أكيد الجميع بالسادس .. الله يهون علينا يارب ..
خلاص راح الكثير ومابقي غير 3 شهور إنشالله ..
ودي أعرف مافي وحده منكم قررت إيش البنج اللي ناويه تاخذه ..
أنا حاسه إني ودي آخذ إبرة الظهر .. أخذتها بولادتي الأولى وريحتني ..
وبالنسبه لملابس البيبي جهزتوا شي ولا لسه ؟
أنا شريت بجامات للنفاس ومعها ملابس البيبي طقم تجنن ..