يتجاهلني في الملكة بعد اهتمام

السلام عليكم
أحتاج نصيحة والله العظيم .. أنا ماني صغيرة ولا الرجال اللي تملكت عليه
شفت من الدنيا كثير . تملكت على رجل قريب من سني ، الملكة الآن كملت سنة .. كان مهمل لي بدايتها بعدين بدا اهتمام ويشركني فحياته، يرسل لي ويكلمني. مع اني ماكنت اسولف واجد . احسه مهتم يعني .. الفترات الأخيرة مطنشني ولامهتم حتى مكالماتنا تباعدت .. وارسل مايرد الا بملصق احيان. فيه فرق واضح بالمعاملة . واحاول انعش العلاقة معه أنا أرسل وأسأله أخبارك.. أنا مليت كذلك لطول المدة . لكن أحس ماهو شي مريح التعامل هذا والانسحاب حتى المكالمة كأنها واجب عليه ومملة كأني ثقيلة عليه.. سبحان الله الفرق كيف تغير.. أخاف كيف أكمل معه وهو كل شوي يبعد أكثر ويطفش مني زيادة
جزاكم الله خير بحكم خبرتكم وش الوضع
المشكلة ماحنا صغار والعمر يمشي
والخوف يذبحني اروح له وهو كذا
أتذكر حتى صوته يتأفف فالمكالمة كأنها مهمة ويبغى يفتك
استشرت مستشارين ولبيه وحريم
اللي يقول طبيعي واللي يقول لا
انا الفرق فالتعامل هو اللي مأثر علي
كنت فوق عنده واللحين ولاشي