يتزوج .ولا ..يموت

لا والله يتزوج الله يخليه لي ولعياله

لا يموت لان الموت مصيبه على اهله وعلى امه بالذات
لكن يتزوج ويطلقني واخذ غيره عادي ما وقفت الدنيا على احد
وبعدين ترا السوال ذا مكرررو كثير
اول كنت اقول يموت بس بعدين لا والله ليش الافلام !!
انا ما اتنمى الموت لاحد حتى عدوي 👽💝

كلام القلب يقول يموت ولا يتزوج
بس كلام العقل يقول يتزوج ولا يموت




بالنسبه لي يتزوج ولا يموت
لان دمعتي عليه اذا تزوج ماراح تدوم كلها شهرين ثلاثه وبيطلع من عقلي وتفكيري ويصير ماعلي منه وارتاح منه لو هو غاثني. واحتمال بعد انه ما يرتاح مع الثانيه كثر ماكان مرتاح معي ولا راح ينبهر فيها كثر ما انبهر فيني وطار فيني يوم احنا تزوجنا وكنا صغار بالسن والدنيا قدامنا 🙊.. مهما كان مهما سوا ماراح يقدر يعيد العمر وسنين شبابه اللي قضاها معي.. راح يتزوج علي بعد ما جرب الزواج الاول وجرب الحب الاول وجرب الولد الاول وكل شي كان معي. اما الزواج الثاني ما من جديد ☺️
بس دمعة اولادي عليه مااااا اتحملها
ما بتحمل ان اولادي صارو ايتام
وانهم انحرمو من حنان الاب
ما بتخيل ان بنتي اللي في بطني اذا كبرت وصارت عروس ما تشوف ابوها حولها في عرسها
ما اتخيل انها تصير مراهقه وتشوف كيف البنات متعلقات في ابائهم مثل حال اغلب المراهقات وهي ما عندها اب
ما بتخيل ان ولدي اللي متعلق في ابوه واللي احس ان ابوه مصدر ثقه له ومصدر امان ما اتخيل انه يفقد مصدر الامان ما اتخيل يدخل المدرسه ويجي مجلس الاباء وكل اصاحبة ابائهم يسألون عنهم وهو يروح
يقول لعمه (تعال يا عم عندي مجلس اباء)
لا والف لا دمعتي ولا دمعة اولادي

يتزوج ولا يموت اذا مو عشاني عشان عيالي

من يوم عرفت المنتديات وذا السؤال ينعاد 😂😂😂
وللان ماشبعو الناس منه ومازلت اشوفه في الانستا والمنتدى ,,