شوفي يا عسل من وجهة نظري ممكن تزورينها بالبيت وتجيبين معك هديه مثلا من بودي شوب مجموعه كامله مع مزيل رائحه العرق

وعطر وممكن جنبها دهن عود حسب مقدرتك وبكذه ماراح تحس بشي

الله يرفع عنها لو ان الريحة هذي من مرض واذا من قله النظافة

اذا جلستور في مجلس وهيه معاكم جيبو وحده يكون عندها طلاقة في الحديث وخلوها

تقول محاضرة عن النظافة وجيبو معاكم شامبوهات وكريمات ازاله العرق وعطور وصابون

ووزعوها على الكل ، بس حرام تخلوها حديث المجالس جربو طريقتي هذي وصدقوني مافيها جرح لها

يمكن عندها التهاب بالاذن ولا شي وهذا سبب الريحة الكريهة ...


أخوية يقول كان عنده زميل في العمل ريحته قوية مرة مع انه رزه وانيق جدا ...


يقول أخوي مره قلت له ياأحي بأقول لك شي واتمنى ماتزعل ..قال تفضل .. قال دايما اشم منك رائحة كريهة جدا ومنفره ...


انصدم الرجال قال معقولة ..!! والله اني اتسبح في اليوم مرتين .. والرجال واضح انه يهتم في نفسه ..


كشف على نفسه وطلع عنده التهاب مزمن في الأذن الله يشفيه يارب وهذا كان سبب الرائحة الكريهة ..

زي ما قالوا الاخوات اهدي عليها جلابيه مع طرحه او دهن عود اوعطر حلو

او حتى لو العود لحاله وقولي هذا العود روعه ريحته ثابته في الجسم يعني بعد ما تتسبحين حطي منه وألبسي ملابسك وبخريها يطلع جنان غير كذا تحسي براحه نفسيه لان بعض العطور تعدل المزاج وتعطي راحه للنفس والجسم

وادخلي معاها في الكلام من هذا القبيل و حمسيها للشي هذا يمكن الآدميه فعلا نظيفه بس احيانا تكون الرائحه مرضيه او من اكل معين زي بعض انواع البهار

انتبهي تقولي لها بصريح العباره او تحرجيها يعني الدعوه خليها سوالف ودردشه

اتمنى اكون افدتك

الحمد لله الذي عافانا مما ابتلاها به وفضلنا على كثير ممن خلق تفضيلا

شوفي حبيبتي لازم تكلمين وحدة من بناتها ولو برسالة جوال
في نظري تنحرج من بنتها وتتعدل ولا تقعد منبوذة من الناس
وعلى فكرة ترى شرب الميريمية يقطع الروائح الشينه من الجسم
سواء عرق او غيره.. انصحيها تشربها مهي خسرانة شي


الله يشفيها ولا يبتليني بما ابتلاها