دمعه وحزن @dmaah_ohzn
محررة ماسية
يتيــــــم العيـــــــد
يـا بـوي ويـنك ؟ كـيف أعيّد بدونك ؟
يـا بـوي مـاتت .. فـرحة العيد ويّاك
تـركـتني مـحتاج عـطفك .. وعـونك
طفل ( ن ) صغير .. وما قوى يوم فرقاك
يـامـا مـسحت بـدمعتي .. فـي ردونـك
ويـاما رسـمت بـفرحتي .. فـي مـحيّاك
ويـاما رمـيت مـن الـتعب .. فـي متونك
ويـاما تـنـهّدت الألـم .. مـن حـناياك
مـن صـغر سـني .. ظـلـّـلتني جـفونك
وفـي يـوم عـيدي .. فـرّحتني هـداياك
اركـض لـحضنك .. وارتمي في ركونك
وألـقى الـحنان الـلي مضى في زواياك
مـن عـام الأول .. ضـحكتي في عيونك
مــا عــاد تـنـفعني وربـي بـليّاك
والـوالـي الله .. يــوم حـانت مـنونك
الـموت أخـذْك .. وما ترك غير ذكراك
يـا بــوي والله .. مـا أخـيّب ظـنونك
يـا عـلـّـني أفـداك .. أفـداك .. أفـداك
الله يـجـعل فــي جـنـانه سـكـونك
يـسامحك / يـرحمك / يـغفر خـطاياك
يـالموت مـدري .. وش نهاية طعونك ؟
الله يـسـتر .. وش تـوالـي نـوايـاك
أنــا يـتـيم الـعيد .. أشـكي غـبونك
وأنــا يـتيم أبـوي .. والـقبر هـذاك
يـا بـوي مـت !!! ومـا أعـيّد بدونك
مـا دام مـاتت .. فـرحة الـعيد ويّـاك
قصيده أعجبتني وتمنيت أن اكون انا من كتبتها
2
509
يلزم عليك تسجيل الدخول أولًا لكتابة تعليق.
الصفحة الأخيرة
من صميم قلبي خرجت هذه الكلمة !!
اختيارك اكثر من رائع ..
وياعلني ما افقد ابوي ...
مدري ..
بس اللي أحسه .. اني ودي اقوم الحين وارتمي بحضنه ..!!
بارك الله فيك حبيبتي منقولك ررررررررررررررررائع .:26: