يتيمة في بيتي

السلام عليكم ورحمة الله وبركاتة
اللهم صل وسلم وبارك على سيدنا محمد استخدمة معرف جارتي حبايبي حابة اخذ رئيكم في مشكلتي عندي بنت يتيمة اخذتها وهي في لفة الا ان رزقني الله الذرية وعاملتها افضل من بناتي وكل شئ لها بلمضاعف الان هي في عمر الزواج ماشاء الله وطعنتني في ظهري وحاسة ان انكسر قلبي منها كنا خارج المملكة وكنت اخذ غرفة خاصة بيها واعاملها على انها الاخت الكبيرة والكل لازم يسمع كلمها وفي ذاك اليوم نومت معها ولدي الصغير عشان لا يضارب مع اخوه وسبحان الله كان خير ان اكتشف ايش بتعمل من وراي بعد ماتعشينا واطمأنيت عليهم وكل واحد راح غرفته على الساعة تقريبا 2 ونص صباح والدي يدق عليا باب الغرفة يبكي استغربت وانفجعت ايش الا حصل
قال ماما اختي ماهي في الغرفة خرجت وسابتني وشالت الكرت انا هنا اتسمرت في مكاني مو قادرة استوعب ايش يقول .. قام زوجي يجري على الغرفة حصل حاطة بنطول حاشيتو على انها نايمة ... طبعا ماادري كيف اوصفلكم احساسي وقتها كنت مو قادرة اشيل نفسي ورجولي مو قادرة تشيلني من قوة الصدمة والفجعة وكنت اردد اللهم اجيرني في مصيبة وحسبي الله ونعم الكيل ونزلت الشارع زي المجنونه ندور عليها وحسيت انو تربيتي لها ضاعت
وسهري وكل شئ مو شايفة ولا شئ قدامي ادور بين التكاسي كنت خايفة انها ماترجع وانا في حال ربنا وحده عالم بي الا ان وصلت واتفقت مع حق الا ستقبال انها تستخبة في السطح ويقولنا انو حصلها في السطح وانا زي الهبلة صدقتها لاني اثق فيها وقلتلها كيف تخرجي من غير آذن لكن اكتشفت انها كذابة كل مرا احنا ننام وهي تخرج تتمشى في اوقات متاخرة في الليل ضربتها ضرب عمرها ماانضربتو وشتمتها بكلام قاسي وجارح جدا لاني حسيت بلغدر وخصوصا انها كذابة ايش رئيكم بتصرفي وقلتلها اني معد اثق فيها ابدا ...