السلام عليكم ورحمة الله وبركاته
كيفكم اخواتي
يجزاااااااكم الله خير اخواتي الغاليات في الموضوع الي قبل
على مساعدتكم ونصيحتكم لي عن العباية
قصتي قصة طويييلة ... كان يوم طويل وجميل في (( رحلتنا للذهاب إلى السعودية))
نظرا لأننا من زمان ما رحنا السعودية .. والسبب الآخر الطرق المغلقة للدخول للخبر... كان عائق كبير لنا
ووصلنا بصعوبة لــ سوق سويكت بفضل الله سبحانه وتعالى .. أرسل لنا باكستاني واقف عالطريق سألناه والحمد لله علمنا بطريقة واضحة ... رحت محل وشفت العبايات الي عنده
(( لأن اليوم كان متعبت)) ما إشترطت نوع القماش.. الرجال طلع لنا كم عباية.. ولما جربتهم ومن التعب أخذت آخر عباية جربتها
وقلت له نصائحكم(( حط لي قطعة مخملية بالراس.. وكملتها آبغى ربطة كمان)) هههه الرجال إبتسم لزوجي وقال له القطعة المخملية تكفي.. بس انا أصريت .. ما بنخسر شئ إذا حطيت الربطة
فقال لنا نتركه بعد صلاة المغرب بيجهز.. لأننا طلعنا من عنده وكان المؤذن يأذن
صلينا المغرب .. ورحنا محل جنب محل العباية ... وحصلت عنده جوارب للصلاة.. فكرتها تجنــــــــــن فيها زي الغطاء عالأصابع ولما نبغى نتوضأ نشيل الغطاء ونرفع الجوارب.. بدل ما نخلعهم.. ويطيحون ونغسلهم ونظطر نلبسهم وهم مبلولين>> يصير لي هالموقف كثير
أخذنا العباية .. ومعاهم كمان خمار وقفازين... لأن إلي عندي صارو قديمين مرررة
قلنا بنروح مجمع ظهران.. ورحنا ورحنا لين دخلنا الدمام.. ومعانااااة.. رغم عندنا جهاز يدلينا الطريق.. بس ما كنا نسمع كلام الجهاز.. لين أخيرا رجعنا الخبر زوجي سأل واحد سعودي بالسيارة وصار يدلينا .. فرفيقه قال إلحقنا أحسن.. وآآآآآه من بُعد المجمع... يجزاهم الله خير كان مستحيييييييل نوصل للمجمع.. والحمد لله كان عندهم حريم شفناهم وقفوا كمان عند المجمع ونزلو وزوجي شكر الرجال من بعيد.. بسبب وجود الحريم وراحو هم كمان للمجمع يجزاهم الله خير ريحونا... الله يعينكم بين كل منطقة ومنطقة الف كيلو متر وأكثر.. وإحنا اطول طريق من منطقة لأخرى تقريبا 18 كيلو متر.. ههههه شفتو البحرين كيف صغنونة.. بس الحمد لله مريحة نوصل بسرعة
المهــــــــــــم..بالبيت جيت لبست العباية.. وحسيتها مو هي.. صحيح المخمل والربطة.. مريحين ولله الحمد
بس المشكلة شفت الإيدين موديلهم غير.. .. كأنه ضيق لأني دبدوبة(( بالإحساس عند اللبس مو بالنظر)) .. احسه من ناحية الأبط يصير مشدود.... شفت بالمجمع والسوق انواع العبايات عالحريم.. وفي منهم زي عبايتي وبنفس الطريقة الي لبستها
يعني إلي تشوفني بتكون فاكرة إني معلقة شنطة على كتفي
فقلت راح اجربها وآتعود عليها لزيارات الأهل.. ولما الله يكتب نروح مرة ثانية نفصل جديدة ... راح اطلب من الخياط يسويها وسيعة من عند الذراع
جزاكم الله خير... طولت عليكم... بس الي كتبته كان أطول ومسحت أكثر من نصفه
هذي صورة الجوارب...حصلتا بمحل جنب عبايات الدلوعة
jwrb
شفته بفرح @shfth_bfrh
عضوة شرف في عالم حواء
يلزم عليك تسجيل الدخول أولًا لكتابة تعليق.
ركايز
•
الله يثبتك يالغاليه انا ماحب العبايه الي لها قصت كم من فوق احسها تقيد خاصه
اذا كانت الوحده سمينه موفقه يالغلا بطلع عن الموضوع شوي وش اخبار البحرين الحين
الاوضاع هدت ولا باقي..
اذا كانت الوحده سمينه موفقه يالغلا بطلع عن الموضوع شوي وش اخبار البحرين الحين
الاوضاع هدت ولا باقي..
ياقلبي هي متعبه فالبدايه بعدين لمن تلبسي عبايه على الكتف تحسي نفسك مو لابسه شي<<مجربه
الله يثبتك.
الله يثبتك.
الصفحة الأخيرة
سبحان الله وبحمده سبحان الله العًًظيم