.
.
.
.
.
؟
؟
؟
زوجي خاين
زوجي عينه زايغه
زوجي مايعجبه شكلي
زوجي بيتزوج علي
زوجي مايحبني
زوجي مايصرف علي
زوجي اشين زوج بالعالم
زوجي وعه
زوجي اوعع الوعين
^
^
كثير مانسمع هالعبارات وبالذات بعالم حواء ... صح؟
وكثير ماتجي حلول ماشاءالله منها الزين ومنها الشين
ومنها المحبط
طيب ...
استفدتي شي ؟
خلونا نكون واقعيين
يمكن 15 % يكون طرح المشكله جاب نتيجه
والباقي للاسف فاقم من المشكله
ياتجيك الوحده مفسره كمومها وتتولى المشكله وكنها تقول هديني على زوجك اقطع العرق واسيح دمووووه
او تجيك الوحده تطنز وتتريق
او تجيك الوحده تاخذ جزئيه من الموضوع مالها دخل بالمشكله وتقعد تسألك عن هالشغله
يمكن الشي الوحيد اللي نستفيد منه هو لو كان مقصودك فضفضه فقط لاغير
والدعوات الطيبه من القلوب الطيبه
طيب
نفرض ان المشكله انحلت من بعض الاراء والحلول
تضمنين استمرار حياتك الزوجيه على هالحل ؟
تضمنين ماتعيدين / او هو يعيد تكرار الخطا؟
لأ
لأ
لأ
طبعاً
عشان كذا انا افضل طرح المشكله لأي مختص نفسي ( وياكثرهم معبين المنتديات )
لكن بما اني احبكم حبيت افيدكم باللي عندي
قد سمعتوا عن قانون ( الجــــذب ) ؟؟
انا كنت امر من عنده واتعداه لأني حسبته شي يتعلق بالفيزيا والعلوم << ومحسوبتكم من جنبها بالفيزيا
بس انصدمت لما اطلعت على كتاب ( السر)
بصراحه انصح كل وحده تقتني هذا الكتاب ,,
والله فادني كثير كثير
وراح يفيدني اكثر واكثر ان شاءالله<< متأثرة بالجذب
مختصر الكتاب /
( تفاءلوا بالخير تجدوه )
( كل شي يجذب شبيهه )
يعني فكرتي ان زوجتس بيعرس عليتس تراي ابشرتس بيعرس خخخخخخخخخخخ
فكرتي ان زوجتس بيموت فيتس ويلزق بخشتك ليل نهار تراه بنشب بحلقك
صدقوني هالشي مو خزعبلات ولا فلسفات علماء
هالشي فعلاً واقعي والدليل قول الرسول صلى الله عليه وسلم :
" تفاءلوا بالخير تجدوه "
وش بيضرك لو تفائلتي بزوجك ولو هو غثيث ؟
اتركي عنك التشاؤم والوسوسه تراه بتجيب اللي نفس الأفكار السيئه اللي فكرتي فيها وانتي مو حاسه
" ان التوقع هو قوة جذب فعاله لأنه يجذب اليك الاشياء!! تربط الرغبه بينك وبين الشيء المرغوب والتوقع يجذبه الى حياتك !! توقع الأشياء التي تريدها ولاتتوقع الأشياء التي لاتريدها"
كل مانحن فيه هو ثمره مافكرنا فيه !!!
طيب بنات خلونا شوي نبعد عن كتاب السر لأني ناويه ( اذا فضيت هااااه اذا فضيت مب تجون وتقولون هاااه وينك ... ترى يمكن انزل او ما انزل اختصار عن الكتاب يعني ما اوعدكم )
خلوني الحين اعطيكم مثال بسيط للجذب /
الحين انتي وزوجك دايم على خلاف على اتفه الاسباب تقولين يسار يقول يمين
تقولين يمين يقول يسار
تقولين طماط يقول صلصه
تقولين صلصه يقول تونه
تقولين تونه يقول بقدونس <<< اطردوها ياعالم حواء ترى مابها ملح لاتحمست
وتحسينه مايحبك او بيعرس عليتس<< ياخراشي
وبس قاعده تهوجسين وتراقبينه وين راح ووين جاء
وتنتفين شعرك وتاكلين اظافيرك من الغيره والتفكير
ويصير ماعليك ماعلى العودان << هذا مثل امي للبنت العصلاء هع
وراتس بدال هالهم اللي عشتي به وعيشتي رجلك به ماتقومين وتجيبن ورقه وقلم؟
وتكتبين كل اللي تبينه يسويه لك رجلك؟
مثلاً / ( مما قرأت من كتاب السر)
تناظرين الاشياء الايجابيه بزوجك ووش سوا شي ايجابي وحلو اليوم حتى لو رد السلام واستغربتي قولي الحمدلله رد السلام هذا دليل انه يحبني << ياحياة الشقا خخخخخ
واكتبي كل شي بورقه كالتالي /
الحمدلله انني سعيدة الآن وممتنه لأن زوجي اشعرني بالحب
الحمدلله انني سعيدة الآن وممتنه لأن زوجي منهبل علي هع
وكل يوم اقريها واضيفي لها اشياء جميله واياني واياك تهوجسين بأشياء سيئه تراها بتجيك
لتنعمي بحياة جميله فكري بأشياء جميله
لتجلبي الأشياء السيئة فكري بأشياء سيئه
وابشرك الاشياء الجميله والاشياء السيئه كلها عند الباب تحتريك بس تنادين حداهن
فكل شي يجذب شبيهه
ابحط لكم نموذج كثير عملوا فيه وحصل لهم اللي بغووه من فضل الله
يعني بأمكانك عزيزتي الزوجه انك تحطين هدفك رضا زوجك وحبه وراح يتحقق لك اللي تبين بحول الله وقوته
هل استغربت في يوم عزيزي القارئ انك عندما تفكر في شخص ما ..
فجأة يرن هاتفك وتراه هو المتصل ...
لا تستغرب فهذه نظرية علمية بحته .. تسمى :
- قانون الجذب -
يعتبر هذا القانون من المعجزات الالاهيه و يعتبر ايضاً من النعم التي منّ الله بها على عباده ....
كيف ؟؟؟
اولا وقبل كل شيئ .. عليك تحديد ما تريد جذبه ..
وهو بالعادة يكون هدفاً تريد الحصول عليه بأي طريقة ...
هل حددته ؟؟؟ جيد ...
اكتبه على ورقة بشكل مفص ...
مثل :
"هدفي ان ادرس الماجستير في الادارة والاقتصاد تخصص ادارة اعمال .. في جامعة x "
وهنا يبدأ العمل ...
* عقلك الواعي الان حدد للاواعي الهدف بكل وضوح
- اذا لم تخصص الهدف فان اللاواعي سوف يحثك على ان تلتقط اي قسم وربما اي جامعه ، وبعد انتهائك من الدراسه تكتشف انك لا تهوي هذا المجال -
* ضع الورقة امامك ...
* خذ نفساً عميقاً - شهيق من الانف ، ثم زفير من الفم - كرر العملية ثلاث مرات ، وانت مغمض العينين ...
* استرخي بشكل كامل ثم افتح عينيك واقرأ الورقة بصوت هادئ ...
* خذ نفساً عميقاً - شهيق من الانف ، ثم زفير من الفم - كرر العملية ثلاث مرات ، وانت مغمض العينين ...
* ابق مغمض العينين وتخيل " انت ترى نفسك محققا هدفك في ذلك المكان الذي انت اخترته وحولك من تحب وتسمع كل الهتافات والتصفيق الحار وعبارات المباركة لانك حققت هدفك تخيل نفسك وانت تشعر بذلك الاحساس بالانتصار وبتحقيق الذات و تشعر بفرحة كل من يحبك وهم حولك وانت تبتسم لهم ابتسامة رضا وفخر كونك حققت ما تريد " ...
* خذ نفساً عميقاً - شهيق من الانف ، ثم زفير من الفم - كرر العملية ثلاث مرات ، وانت ما زلت مغمض العينين ...
* افتح عينيك عندما ترى الوقت مناسباً .. وانظر الى الورقة التي كتبتها ...
* الان ستنظر الى الورقة وانت مشبع باحاسيس ايجابية .. تدفعك لتحقيق ما تريد ..
- بخلاف نظرتك الاولى للورقة -
* ابتسم وقل انا ساحقق هدفي - ***** الله - ...
* قم من مكانك واشغل نفسك باي شيئ ...
* عُد في اليوم التالي .. واقراء الورقة وتذكر تلك الصورة وتلك الهتافات وتلك المشاعر ...
* كرر عملية القراءة لمدة 21 يوم على الاقل ودون انقطاع ...
- وان قطعت كررها من البداية -
* بعد انقضاء الفترة المحددة انسى الموضوع بشكل كامل ...
سابقاً كنت تعطي العقل اللاواعي الرسالة وكنت ايضا تقوم بتعزيزها لمدة 21 يوم ...
الان تبدأ القدرة الالهيه الفطرية .. فالعقل - سبحان الله - مفطور على التفكير الايجابي والجذب ...
هنا سيقوم العقل اللاواعي بتحفيز الواعي وبقية اعضاء الجسم للوصول الى ما تريد ...
حتى وان فكرت بانك قد تشعر بالكسل او فتور الهمة فان اللاواعي سيحفزك للقيام بذلك...
وسيكون لديك وقتها راداراً يلتقط موضوع هدفك في اي مكان تتواجد فيه ....
- قانون الجذب -
عندها ستشعر ان الله تعالى قد يسر لك امورك ووضع في طريقك كل ما يساعدك في تحقيق هدفك ...
ضعها عزيزي القارئ تحت التجربة ... واخبرني ...
فانا جربتها بعد ان درستها ...
وانا الان ولله الحمد ممارسة ومدربة معتمدة في البرمجة اللغوية العصبية
ادري كلامي مو مره ... بس يمكن لاني قاريه الكتاب احس اني متفائله واحسبكم مثلي قارين الكتاااب
انصحكم فيه من جد ( واللي قراه ياليت تناقشنا فيه )
بالنهايه انا ماكتبت الموضوع الا عشان كلكم تستفيددون مثل ما انا استفدت وحبيت اقدم لكم كتاب السر هديه متواضعه مني واللي ماتقراه بتضيع على نفسها اشياء حلوه بحياتها /
http://www.4shared.com/file/56707497/b2b7371c/The_Secret_ARABIC.html