يحرق اعصابي بالعيد

السلام
زوجي مدري ليه يقط وجهه بين الناس ويسوي فيها الحكيم ابوعصام
انا ما اتدخل بس عمته متهاوشة مع زوجها ولهم متزوجين خمس وعشرين سنة ويبغى يتزوج وصايرة قطيعة بينهم من شهور
امس صحصح ورجعت البيت تكلم بالليل عنهم
قلتله مالنا دخل اهم شي بيتنا وحياتنا
قال ألا بروح للصلح مع عمي وبقعد بفهم الرجال وقعد يشرح ويعلل عن علاقة الرجل وزوجته وانه مايصير يتزوج وعياله بيتزوجون وتكلم عن الزواج والعيال والمشاكل انا كنت مطنشته واسلك اقول صح لانه واحد نسونجي ماتملي عينه التراب
بعدها عدل جلسته وقالي
ماعدا انتي هذا الكلام مايشملك وان شاء الله بفجعك عن قريب بزواجي وبوريكي الرقص بالعرس مع العروسة وباخذك انتي تزفيها
قلتله ياجعل القرود ترقص على قبرك وقبرها الحقيرة لي تاخذك والله اولع فيكم الكوشة ولاتدخل بالناس شايف روحك ابوعصام انت
قالي تشبهين على ابوعصام
قلتله اي لانك مثله تقط وجهك
قالي وابوعصام تزوج على حرمته يعني بتاخذيها يمين شمال بتزوج عليكي وابوعصام تزوج فرنسية انا مابطلع عن بنت البلد باخذ جنوبية اخليها تعلمك شغلك مزبوط او اخذ من الجيران يمنية اردنية عراقية كويتية اماراتية بحرينية انتي وحظك
انا تركته ومشيت وهو يكلم نفسه وهو يضحك يقولي اعرف كيف احرق راسك انا عشان تعرفين تستفزيني وتقولي مالك دخل
وراح وانمسحت فيه الارض ذهابا وايابا هو وعمته وعمه لأنه ليه
عمته لي غلطانة بزوجها وماتقدره وانا ما اشمت ولا اتدخل ابغى اكون بعيدة هو لي يدخلني بالمشاكل وانا هزئته لما رجع
انا اعرفه مايتزوج جبان انا جاية على مقاسه هادئة واطنشه ومسالمة الاولى ام ابنه ورته الدنيا سبع الوان هو واهله حتى ام زوجي الكرنيبة لي تستقوي معي كانت هاجدة عندها وبناتها يعضون شحم السلوقيات تفو على اشكالهم وحدة وحدة وامهم قبلهم كل ما اتذكر فصولهم الشينة اعصب
لي بتخرب الموضوع وتنتقد او تكذبني ياريت تنقلع انا مو ناقصة