يحسسوني..اني عالة

السلام عليكم ورحمة الله وبركاته,
خواتي..أنا متزوجة من كم شهر وللحين ما حملت,
وبخاطري احمل اذا ربي راد,
حالياً أنا ما اشتغل..وأصلاً ما ودي أشتغل ولا حاطة ببالي أشتغل,
وحلمي من زمان يكون عندي بيت وعيال اهتم فيهم,
يعني جداً أقدر دور ربة البيت,
ولكن لاحظت في مجتمع أهل زوجي وأصدقاءه
الكل يقول اشتغلي اشتغلي اشتغلي..يحسسوني اني عالة
واني بدون قيمة..وانهم احسن عني لأنهم يشتغلون وعندهم مصروفهم,
ما يفهمون ان أحب البيت والاهتمام فيه..وقريب ان شاء الله بيكون عندي شقة
لاني ساكنة عند اهل زوجي,
انا اصحى الصبح مع زوجي واجهز له الفطور..وبعدها ارتب و انظف غرفتي وحمامي (الله يعزكم)
واجلس على النت شويه..بعدها على الظهر أشيل كتاب معاي وانزل اجلس مع ام زوجي
بعدها يجي زوجي من الشغل نتغدى ونريح شوي وعلى المغربية نطلع نقضي امورنا او نرفه
عن نفسنا بعدها نتعشى ونشوف فيلم وننام,
يعني ما اشوف نفسي فاضية,
وان ربي كتب وجبت عيال ما ودي حد غيري يربيهم ويهتم فيهم,
وما ودي اشتغل واتعب وانا مو بحاجة فلوس وبعدها اقصر على زوجي
بالاهتمام والرعاية لاني بكون تعبانة من الدوام,
وفي نفس الوقت انا اثقف نفسي والتحق بدورات..يعني مو مهملة نفسي ومو جاهلة,
شو رايكم ؟؟ ومن تؤيدني؟؟