بالعكس


يعني ماشاء الله تبارك الله للحين مقومات الجمال عندك

وتقولين زوجك كون نفسه وخلص وعيالكم كبرو يعني معناتها تقدرين تتفرغين له وترجعون زي شهر العسل

يعني البسي واكشخي وشخلعي براحتك
استغليها ترا انتي بنفسك تدميرن بيتك وصدقيني انتي اقنعي نفسك انك مو كبيره( لانك حقيقه مو كبيره اجل اذا صرتي بالتسعين وش بتقولين توك ياماما ) اذا انتي اقتنعتي انك مو كبيره بتقنعينه كمان

ليه ليه كذا بس! :09:

الرجال لما يوصل الخمسين يقوم يقلب عمره ويتشبب ويكون قمة بالثقة وأنه جدير ببنت الطعش!

والمرأة (العربية) لما توصل الأربعين تروح تدور لها أقرب موقف وتوقف فيه وتعلن الاعتزال!

يعني هم لهم نفس للحياة وحنا لأ!

وإلا حنا مكتوب على جباهنا تاريخ الصلاحية وهم صالحين للاستهلاك مدى الحياة! :)



ياأخيتي يا أم العدنان.. إنتي إلتفتي لنفسك شوي بس.. سوي تعديلات بسيطه وبتشوفين إنك مكبره عمرك قبل أوااانه :)

يعني مثلا إبعدي عن الشيلة بالبيت إذا كنتي من هواتها!
إبعدي عن الألوان الغامقه في لبسك
لاتكثرين من لبس الجلابيات
لاتهملين المكياج في البيت
إكشخي بلبس نعوم زاهي
تمتعي بالبيت بلبس بنوتي لأنك بالبيت فماراح يشوفونك ذوات الألسن الحاسده :)

نقطه مهمه: التغيير اللي يجي بالتدرج ماراح أحد ينتبه له:icon18:

ومهم تهتمي ببشرتك..وبصحتك.. وبالرياضه..وبديكور بيتك... كل هالأمور بتجدد حياتك وروتينك
وبكذا بتنتعشين وتروح مشاعر الاحباط

بجد مايصير تعتبري الاربعين كبر!!.. يعني الوحده ماتستوعب الحياة وتكون شخصيتها إلا بالعشرين تقريبا
ثم بالاربعين تقولون كبيرة!! يعني ماعاشت إلا 20 سنه بس!!!!



بأختم بكلمة.. أنه اللي بتحسس نفسها إنها كبرت وووو... بتصير بـ عمر 80 وهي لسا بالـ35 !

يعني الشي نابع من الداخل

وعلى فكره ترى الله يكرمك هيفاء وهبي عمرها 45 سنه! وهذا شبابنا وشيابنا مطامر وراها:icon810:

تمتعي بحياتك وشبابك بس.. عشان نفســـــــــك مو عشان أحد :)

شوفي ترى مو محبطك ومكسر نفسيتك
الا انت نفسك
يعني لو تقولين بنفسك يالله هو يحبني ويبني اكشخ له والله ما تشعرين بهالشعور ابداَ
ويجيك حماس مو طبيعي للاهتمام
العني ابليس ومارسي حياتك طبيعيه
ولاتندمين بعدين تفقدين هالحب وهالجو العائلي وبعدين إذا فات الفوت ما ينفع الصوت

كلامك والله ضيق صدرري خلاااني افكر بالمستقبل وافكر وش بيصير فينني

الله يعطيني طولت العمر ويستمر حب زووجي لي اللهم آميـــــــــــــن

هلا حبيباتي ومهجة قلبي


ردودكم والله تطيب الخاطر .. وقريتها وبعضها اضحكني تعليقاتهم وبعضم خافو مثلي وبعضهم نصايح تدهن الجرح

احس معنوياتي ترتفع لكن يجي لها وقت وارجع مره ثانيه على للهواجيس

لكني احسن من الاول ...

لكن

اللي قالت البسي واكشخي والتغيير يبدا بالتدريج

حبيت اوضح ان انا خلقتي لبسي مرتب وجينز وبرمودات وبديهات وشعري بين وقت والثاني اغير لونه ومهتمه ببشرتي


لكن



لا يصلح العطار ماأفسه الدهر:(