يحق لك تتدلعين بشعرك

اهلين كيفكم ؟

المهم باقولكم اول شعري وشو
انا شعري يعني ناعم مو خشن بس يقهرني يكش يكش واكثر شيء الشعر اللي بهامة الراس يطلع بسم الله الرحمن الرحيم
اللي يشوفه يقول ذا مو شعرها .. يعنيي مره يختلف تااالف ..
يعني طالع مدررررج وثقييييله لدرجة اني اقدر اطلع الشعرات هذي من بين شعري كله ..
المهم
زيته واستمريت كثير لكن الشعر يزين وهذي الشعرات تعيي تزين
((يعني منطقه مو شعرات ..))
وشعري في قشره على شكل ترسبات تقهرني عيت تروح ..

المهم قلت يا وعد لازم تلاقين لك حل ...
قمت الله يسلمكم وجبت علبة زبادي + ملعقة حنه+ملعتين خل (( عشان القشره )) + ملعقه زيت زيتون
وخلطتها مع بعض زيييين وخليتها تخمر نصف ساعه او ساعه الا ربع ..
بعدين فرقت شعري 4 اقسام .. بعدين بديت احط هذي الخلطه بالفرشاة ((زي حقت الصبغات ))
المهم وركزت على فروة الراس وخاصه (( الهامه واللي قدام ))
جلست 4 او 3 ساعات .. ثم غسلته وانا اتسبح حطيت شواااااااي زيت جونسون بيدي ومسحت به وخصلته على شعري ..
بعد ما خلصت لابسه (( نشفته )) وخلصته ..
النتيجه ::
تخلص معاي بسهوووله + ما يصبغ في فروة الراس لكن فتح لون شعري طلع لونه حلو واتوقع مع الاستمرار يطلع واااو يعين (( لون شوكلاته )) + معد يكشششش + لمعه + نعومه + تتخلصين من القشره + نظافه +ونقاء فروء الراس ..

ملاحظه / هذي النتيجه من اول مره استخدمتها ,,
بعدين اليوم الثاني قمت وانا والله كل شوي المسه مو مصدقه وكان عندنا طلعه فقلت مالي دخل باكشخ فيه ههه
قمت ومسحت عليه شوي مويه .. واستشورته وطلع استشواري واااو احلى من اول (( عشان الخلطه ))
بعدين حطيت فيه شوي رغوه وسويت ويفي بالفير طبعا .. وبخيت عليه شوي سبراي وحركته شوي ..
عاد انتي اذا شعرك يثبت ماله داعي تحطين سبراي لانه مو زين للشعر ..
رعت القصه ببنس ..وبسسسس
كملت مكياجي ورحت ..
والله يابنات ان شعري من النوع اللي يسيح لدرجة ان الكوافيره اذا صلحته لي تملاه سبراي عشان يثبت ..

بعني مرره مررره روعه النتيجه

يالله عاد جربوها وتدلعوا مثل ما تبون ..