كوبونات الراقية تسجيل الدخول

بالجروح تجازيني

يحق له يزعل وربي أحترت .. ؟

الأسرة والمجتمع •

السلام عليكم و رحمة الله اخواتي الحوائيات ..
حبت استشيركم أخواتي .. و آخذ رايكم في مشكلتي

يوم اللي بتنوم بالمستشفى قالي زوجي عطيني بطاقة صرافتك أستغربت انا قلت له ليه ..؟
قال لي بتعطيني اياها والا سكتي ,, قلت له توك مستلم الراتب ما أخذنا يومين .. ولا شريت للبيت شيء ولا حتى قضينا للعيال شيء لاحظوا و انا بالمستشفى هذا الكلام و شووفوا كيف نفسيتي لان الدكتورة مقررة لي عملية ..

قال لي انا محتاج 2000 ريال قلت له اسمح لي انا ما ادري ليش تطلبني فلوس ولساتك مستلم لو ما عندك كان عطيتك حلال عليك ..

راح قال لي بتساعديني والا لا ..

قلت له بدون زعل توك ساحب من عندي 4000 ريال وقلت لي بترجعهم ولا رجعتهم ..

اسمح لي هالمرة ما راح اساعدك ..

زعل زوجي ويوم اللي جى يزورني قال لي انا محتاج للفلوس لأن بسحب الراتب 3000 ريال وعلقوا و نزلوا بصندوق الامانات للصرافة و انا الحين ما عندي قلت توك بايع اسهم .. قال لي مالازم اقولك تفاصييل

زوجي ما يبين بعينه مهما عطيته ..

استدان من رجال مبلغ عشان يدخل بمشروع و خسر و الرجال بغى فلوووسه قال لي و رحت بعت ذهبي كله و عطيته و قالت له حلال عليك حتى ما كلف ع نفسه و شكرني

جلست اعاتبه كيف تسحب الراتب كله كيف الحين بنقضي للعيال وللبيت و البيت يبغاله من و الى .. قال لي عطيني عطيته 1300 عشان نقضي للبيت بس ..

الحين زعلان مني حييييييل لدرجة اذا جى من العمل متعودة عليه يسلم علي الحين لا يسلم و لا شيء .. يجي و يجلس ع الاب توب وحتى العيال ما يلاعبهم و لا يطلعنا الا للأماكن اللي ما يدفع لها .. قلت له حرام عليك انت رجال و تقدر تدبر نفسك مو كل مرة تاخذ من عندي لحد متى ؟ انت ما تفكر بالمستقبل ولا حتى تفكر ببيت العمر و لا تحسب احساب بكرة اللي بجيبك ع طول يطلع للأشياء اللي ما تستفيد منها ..

زعل من كلامي قال لي مو كل مرة احتاج للفلوس من عندك تذليني قلت له ما اذلك انا بس ابغيك تفكر ..

بكل صراحة وربي الشاهد زوجي ما يفكر مثلي ولا يحسب حساب اي شيء ..

يجي من العمل يا على التي في او الاب تووب او قنوات الرياضة ..

يدخل صامت و يطلع صامت

ما يكلمني الا اذا بينتقدني على شيء ..

العيال ما غير يصارخ عليهم ..

انا جالسة حاليا افكر و اقول نسى تضحياتي كلها وصبري ع المر و المرار وهالمرة لمن ما ساعدته نسى كل شيء

انا ودي اساعده واعطيه بس كيف يتعلم ويستفيد من الوضع اللي صار له ..؟

كيفف يحكم عقله ويتصرف في مثل هالمواقف .. انو ما يعرف يدبر اموره ..

فعشان كذيه ما ساعدته .. مو كل مرة يصير له شيء ع طول يجيني و لا يعرفني الا وقت انو يكون محتاج فلوس ..

الفلوس اللي عندي من حافز انا ماحركتها من اول ما نزلت لي ومفكرة انا اذخرها للزمن ما ادري شمخبي الزمن لنا اذا كان زوجي ما يحسب احساب لبكرة انا افكر واحسب احساب لكل شيء ..

اخواتي جاوبوني بكل صراحه يحق لزوجي انو يزعل ؟؟

طولت سمحوا لي

واشكر كل وحده راح تدخل و ترد علي ..
29
4K

يلزم عليك تسجيل الدخول أولًا لكتابة تعليق.

تسجيل دخول

ايفونيه333
ايفونيه333 •
والله انتي ماغلطتي ...بس هوو زعل لانه تعوود كل مابغى فلوس عطيتيه ..وهالمره رفضتي عشان كذا زعل

فلوسك لك ..هو اللي ملزوم يصرف عليكم ...

ومهما احتاج لاتعطينه هو رجال البيت مو انتي

وبالاخير بيرضى
أأحلام
أأحلام •
يزعل
ويضرب براسه الجدار
ماعليك منه

المرأة في الاسلام مستقلة ماديا
والزوج مجبور يصرف عليها
حتى لو كانت غنية
مو يسحب فلوسها ويلعب فيها
لو يبي يعرس ويجيب الثانية
طلع الفلوس من تحت الأرض
لاتصدقين رجال يقول ماعندي
أو ما أقدر أدبر فلوس
خجل الرياض
خجل الرياض •
بالطقاق اللي يطقه

تراهم مالهم امان والدليل تصرفاته معك

بعد كل اللي سويتيه معه يعاملك هالمعاملة !!

خير ان شاء الله تكدين عليه انتي

طنشيه لما يطيح اللي براسه ويرضى بكيفه
CHOCLET CHIPES
CHOCLET CHIPES •
اذا هو كذا لاتعطينه واسحبي ايدك كلش خليه يحس بالمسؤليه الي عليه عشان يعرف يقدر الامورمره ثانيه
ღ sαмяσиα ღ
ღ sαмяσиα ღ •
نصيحه يختي احفظي حقك
اجل بعتي ذهبك ومابين بعينه
وش باقي تسوين له عشان يحطك فوق راسه
ساعديه بحدود المعقول وذهبك قولي له رجعه لي
الصيفيه على الابواب والزواجات وابي اكشخ زي الحريم
ترى الرجال وربي مالهم امان