يحق لي ادعي عليها !🤔

مساء الخيرات والليرات 🤗😘


ماكتبت هنا الا ابي كلام يريحني
تعبت من التفكير والله تعبت
احساس الظلم بششششع والظالم يتوفق وانت تتوقف حياتك
باحكيلكم القصة اللي كل اهلي مستهينين فيها
انا كنت مخطوبة لواحد من جماعتنا القريبيييين مره ( اولاد عّم ) والخطبة طووولت مره وكان العريس كل مره نحدد الشوفه يصير ظرف ومانسويها والملكه كمان كان اذا جو اهلي يحددون وقت يقوم يأجل ويتعذر بشي المهم جلسنا ع الحال ذا فتره مو قليلة لحد ماجا الوقت اللي بلغوني فيه انه تراجع عن الزواج ومايبيني عاد مايحتاج احكي لكم وش صار فيني
حاولت اعرف السبب الحقيقي بس ماعرفت الا انه أهله مايبوني يبون وحدة مِن برا الجماعة اهلي سكتوا وقالوا قسمه ونصيب بس انا كل الفترة وانا في قلبي جرح مستحيل يبرأ
لحد ماجا الوقت اللي عرفت فيه انه اخته هي السبب الرئيسي بالموضوع طبعا اخته ذي كنا انا وهي مررره صديقات اصغر مني بسنه
فجأه وبعد مادخلت هي الجامعه بعد ترم كذا تغييرت عليا 360 درجة مااقولكم تقاطعنا بس فترة عن فترة يزيد سوء أخلاقها معي وانا كنت احبببببها مررره كنت اعتبرها المقربه مني أسراري سواليفي كلها عندها عشان كذا صرت انا اللي بين فترة وفترة ادق عليها لين وصلت لمرحلة غيرت رقمها ولا عطتني هو ورقمها القديم صرت ادق عليه مقفل او ماترد وانا كل الوقت ذا مااعرف انها غيرت رقمها وكانت تدق عليا اذا تبغى تأخذ مني شي يعني تقريبا كل 4او5 شهور اتصال اكتشفت بعدين انها تنقل كل سواليفي لاهلها بس بالبهارات طبعا وقالت لاخوها اني رافضته اصلا وأهلي اجبروني عليه وكلام كثير وصلت لدرجة اتهمتني بشرفي والعياذ بالله ونشرت الإشاعة بين جماعتنا واجهتها انا والبنات اللي قالولي عنها ولفت ودارت وبكت وسوت فيلم كل هذي الأحداث وأنا واخوها لسى مخطوبين انا ماكنت اقول لاهلي لانه كنت عارفه لو أقولهم ع اللي تعمله راح يفركشو الخطبة وانا كنت مره متمسكة بالولد المهم رجعت وتكلمت كمان بنفس الكلام المهم المرة الثانيه انتشر الكلام مررره بين جماعتنا ووصل لاهلي بس كمان سكتو ع أساس حركات غيرة بنات وكذا
وكمان من ضمن الاشياء اللي جرحتتتتني مررره احنا ماسوينا النظرة الشرعية اول ماانخطبنا اولا ماكان مره حريص ع الشي ذا لأننا عيال عّم وغير كذا كان كل مره بيجي يسويها يصير ظرف واخر شي كنا راح نسويها شهر 4 والملكة شهر 7 او 8 هي استغلت الفترة ذي وورت اخوها صورة وحدة مو حلووه ابدااا مادري من وين جابتها ع اساس انها تشبهني 100٪ ‏تبي تثبت له اني فعلا بشعععة اللي استغربته انه يعرفني وانا صغيرة يعني كيف يصدق مو معقوله بيتغير شكلي كليا عن وانا صغيره
ومن يومها خلاص ماحد خطبني من جماعتنا ابددددا واللي من برا اللي مطلق واللي متزوج
وأهلي يرفضون
هذا الموضوع صارله كم سنه بس الجديد انه من يجي طاري هذي البنت حسبي الله ونعم الوكيل فيها ينقللللب حالي اكرررره اسمع آي شي عنها انخطبت هي قبل سنتين وملكت انا بيوم ملكتها انهرررت وبكييييت استغفرالله جاني احساس فضيع كيف تتزوج وهي اللي ضيعت مستقبلي
انا بسببها اتكنسل زواجي ومحد خطبني عشان الإشاعات اللي تنشرها عني
و الفترة اللي كانت بين ملكتها وزواجها سنه وشوي جلست خلال هالسنه اجااهد نفسي اني أنساها وأنسى اللي سوته كنت اوقات اذا تذكرت أقوم اصلي ادعيلها ربي يوفقها ويعوضني بس ماقدرررت اكمل وصرت اددددعي بحرقه كل ماصليت وتذكرتها واتحسب كنت ادعي انه ربي يوفقها وماتتطلق بس يتأجل زواجها وربي يعوضني وأتزوج قبلها عشان ابي اثبت لها ولأهلها اني اشرف من بنتهم ،،
طبعا هي ليش سوت معايا كذا ماادري انا ودي افهم بس الغريب في الموضوع واللي قاهرني انها بعد كل آللي سوته فيني سبحان الله اتوفقت في حياتها واتزوجت وتم زواجها انا والله ماكنت ابي شي الا انها تحس واهلها بالنار اللي فيني بسببهم خربت علي وضيعت مستقبلي وعاشت حياتها وتزوجت رجال طاير فيها
كل يوم ابككككي اذا حكو عنها او عن زواجها لان امها سوتها 3 حفلات غير حفلة الزواج وبأفخم الأماكن لانها بنتهم الوحيدة
صرت احس بيأس استغفرالله لدرجة انه حتى الدعاء ماودي ادعي خلاص
ملخبط كلامي بس شي بقلبي لازم أطلعه اخاف يصير فيني شي اذا كتمته اكثر وأهلي شايفين الموضوع مايستحق
طبعا فيه تفاصيل اكثر كيف عرفت وكذا بس الموضوع بيكون طويل مره وممل لبعضكم فحاولت اختصر
اللي تجي تقول تحسدينها ومادري شو تحتفظ بكلامها لنفسها لانها ماحست بإحساس الظلم