يحق لي ازعل او لا ؟؟؟؟

السلام عليكم

انا كان عندي شغاله ومن قبل رمضان وهي قايله انا ابسافر نهائي قلت لها الله يحفظك مع انها كانت عاجبتني بس مصيرها لبيتها وعيالها

المهم قلت لزوجي تراها بتسافر قال لي خلاص ابطلع تأشيرة باسم اخوي اللي ببريطانيا وما يجي رمضان الا وعندك وحده قبل لا تسافر قلت طيب

سافرت شغالتي بالصيف وجا رمضان ولا جتني شغاله قلت ميخالف اصبر واكرف برمضان وانا حامل واتوحم وبيتي كبير وعندي 3 اطفال صغار وقلت معليش اصبر عشان ما يقول عني حنانه

ويوم خلص رمضان وخلص العيد
قلت له متى تجي الشغاله اللي قلت لي قال ما قدرت اطلع باسم اخوي ابقدم على وحده مكان اللي راحت بتاخذ لها شهر او شهرين قلت طيب ميخالف

وصبرت غسيل وكوي وتنظيف حمامات وقرف وانا اتوحم تلوع كبدي من كل شي وعندي اطفال صغار كل ما انظف يخربون وبيتي كبير وانتم عارفين جونا والغبار وزياده على كذا ادرس ماجستير وهو بعد يجيب ربعه مرتين او ثلاث بالاسبوع يبون من ينظف لهم الملحق كل مره غير الشاهي والقهوه والحنيني ويبيني اتفنن لهم

وكم مره ناقشته يجيب لي شغالة مؤقته ورافض نهاااااااااااااااااااااااائي يقول الغريبه ما تدخل بيتي كأن اللي بيجيبها من بلدها راضعه معه :44: وقلت له بس ابي اودي ثيابك عند المغسله تخفف علي ورفض قال ما اشتهي المغاسل
المهم الحين من العيد بالضبط 4 شهور واجي اساله امس هاه وش صار على الشغاله يا فلان مو كأنها طولت يقول لي ما بعد سويت فيها شي ... يعني ما بعد قدم عليها حتى

واقول له ليش وش المشكله ؟؟ فيه مشكله معينه ؟ يقول لي لا بس نسيت

بصراحه مرررررره زعلت وحسيت اني اخر همه :44: يا حسافة التعب والكرف

الحين افكر اضف اغراضي انا وعيالي واروح بيت اهلي الاقي احد يساعدني على الاقل ايام الاختبارات لاني ادرس
وخليه يحس بقيمتي شرايكم يا بنات اطلع عشان يحس اني تعبانه او لا ؟؟؟ لو ما طلعت بيجلس الحال على ماهو عليه مو حاس اني تعبانه ابدااااااااااااااااااااااا

وارجوكم لا تجي وحده تقول لي استغني عن الشغاله وقومي بشغل البيت لان هالشي ما يناسب وضعي وانا ادرى بوضعي