يحق لي ازعل واعاتبهم واكبر الموضوع والا لا ,, تعالوا شوي

السلام عليكم بدخل في الموضوع مباشره
انا رحت يوم الإربعاء انام مع امي في بيت خالي مع جدتي ام امي ..

المهم خالي هذا عنده بنتين وحده اكبر مني بسنه ووحده اصغر مني بسنه
وحده 23 ووحده 25 .. عشان ابين لكم انهم مو صغار !

كانوا معزومين في ملكة بنت خالتهم يوم الاربعاء
وانا عارفه هالشي بس قلت بروح واجلس مع جدتي وامي
ويوم الخميس نكون مع بعض وننبسط ونطلع وكذا :44:

ماجو من الملكه الا الساعه 4 وانا طلعت انام وقفلت الباب في غرفة جدتي الساعه 2

صحيت الظهر ونزلت مع امي وجدتي وهم نزلوا الساعه 2 الظهر وسولفوا شووي

وراحوا فوووووق الى اذان العصر ,, نزلوا تغدوا معنا وحنا على الغداء قالوا عندنا عزيمه

اليووووم والله يعيييين ( العزيمه في بيت خوالهم ) .. اطالع امي وانا مستغربه

انا لي 3 سنوات مانمت عندهم ويوم نمت يصير كذا .. !

المهم

تغدوا وطلعوا فووووووووق الى الساعه 8 العشاء !!!

ينزلون كل ساعتين يمرون من عندي ولاكأني موجوده

وكانت المغرب شعورهم زيت ويرتبون ويشيلون ويحطون رغم ان فيه شغاله في البيت !!

وقاعده ماعندها شغل يُذكر !!

المهم نزلوا متروشين ولابسين .. خذوا فنجال قهوه وسولفوا شوي

وكان فيه عامل يضبط اشياء خربانه في غرفة جدتي

ينتظرونه يروح عشان يروحون للعزيمه

راح العامل وراحوا يلبسون عباياتهم في مكان ثاني وطلعوااااا !!!!!!!!!!!!!!!!!!

بدون حتى كلمة مع السلامه !!!!!!!!!!!!!!!!!!!!!

انصدمت صدمه قويه !!

لهالدرجة قلة الحيا وعدم التقدير , هذا وانا طيبه ومحترمه معهم

حتى امي لاحضت وتضايقت كثير

...................

طبعا الثنتين معي في البلاك بيري
فكتبت عالم ماعاد تستحي ابد !! وكتبت تحتها
(( من لايقدر وجودك لاتعظم غيابه ))

لإن احيانا امي تروح تسلم على جدتي وانا مااروح معها
مره اقول .. يمكن عشان كذا حاقدين علي !!!

وارجع اقول بس انا هالمره جيت ونمت في بيتهم وعشااانهم
كيف يعاملوني كذا !

..................

المهم ماقدرت اكتم بقلبي
كلمت الكبيره في البلاك بيري وقلت

((( ياكافي يافلانه حتى كلمة مع السلامه انتي وفلانه ماقلتوها لي لهالدرجه انا ضيفه ثقيله عليكم
وقسم بالله لو منتو غالين ماحزت بخاطري ))) :icon33:

رجعت اتصلت علي وقالت وش هالكلام وربي ضاق صدررري

قلت وش راح تكلفكم كلمة مع السلامه ؟!!

قالت والله كنا مستعجلين وانتي كنتي مشغوله مع امك و و و و و و و

قلت مو كافي انكم طول اليوم ماقعدتوا معي ولاشي

قالت والله البيت حوسه و و و و

(( أعذار واهيه ))


المهم آآخر شي قالت اسفه اذا كنا غلطانين وقلت لاعادي
وفي امان الله !!!!!!!!!!!وانتهى الموضوع


قفلت وكتبت في البلاك بيري
( من لايشوفك شي عده ولاااشي ومن لايشوفك ربح عده خسااره )) اقصدهم طبعا


بس انا لازلت مقهورررررره كل مااتذكر شكلي وانا
جالسه وماسكه الريموت والجوال من الطفش وهم فووووووق
ولاوحده تكرمت تنزل تجلس معي والا تقولي تعالي معنا فوق
وينزلون ويطلعون ولاكأني موجوده .. !

للحين وربي متضايقه من حركتهم لإن علاقتي معهم كويسه
ومابينا مشاكل ابد وكنا دايم ننام عند بعض يوم كنا صغار !!



وش رايكم في الموقف بالله
ولو انتم مكاني وش بتسوون