السلام عليكم بنات
صباح الخير << يعني لاتقرونه المساء
..........
حبوبات
اليوم زوجي الله يحفظه حكالي عن سالفة
خلتني اعيد الذكريات المثيلة واسدح لكم منها هوونااا
هالسوالف عن الشرارة اللي تصير في عيون بعض الأوادم
..( قل اعوذ برب الفلق من شر ماخلق ..... )
اكيد عرفتوا الدعوى عن شنوا !!
( عن اول معصية عصي الله تعالى بها وهي الحسد ... ) << تجرب الإلقاء هههه
انصتوا لحكيي ياحلوات .. << احم
في يوم من الأيام الخوالي كنت عند جدتي انا و خالتي وبنتينها
وفي هالوقت جو ضيوف يزورون الجده الحنون ( فال الله ولا فالهم )
قررنا انا ماندخل عليهن بسبب كشتنا الزايده!!
قالوا لخالتي وطبعا كانت موجوده عندهم
نبغى نسلم عليهم ..
قامت خالتي تنادينا عشان مايدخلون عندنا << مسويين يمونووون وانا كنت اول مرة في حياتي اشوفهم ..
يوم قامت الا وهم لاصقين في ظهرها ويقولون : خلينا نفاجئهم !!
بلعت خالتي ريقها من الفشلة لأنها شافت كشتنا شايشه قبل لاتدخل عليهم هع
وطقت الباب علينا
ولحسن حظنا ماكان فيه مفتاح في الباب
دفيت الباب
جت بنت خالتي الثانيه وقاعدة تدف معي الباب ههههه << تخيلوا اشكالنا والله تووحف ...
وخالتي قاعدة تنادي وتقول يلا افتحوا ومن هالحكي .. وحنا نقولها قاعدين نلبس لحظااااه (كنا ننصب )
^^^^
خالتي مسويه انها تراضي الحريم خخخ
المهم الباب قاعد يندف وانا وبنت خالتي نصاارع في الباب ونحاول ندف اكثر واكثر
يوم شافت بنت خالتي ان مافيه فايدة ولانقدر نقاوم
انحااااشت البنت ودخلت الدالوب
ولبست بنت خالتي الكبيرة العباية مسويه كأنها تصلي
وانا ياحسرتي
لحقت على كشتي ولبست الطرحة ( الشيلة ) وانحشرت ورا الباب
طبعا انفتح الباب بعد الشد والدفع
يوم دخلوا الحريم مالقوا ولاحس ولاخبر
وين اللي بالغرفة ؟!!!!! مافي الا بنت خالتي اللي مسويه تصلي.. وشوي الا وهي فاقعه ضحك !!
وانا طلعت من ورا الباب
سلموا علينا ،، وبسطوا على السرير << يعني الدعوه مطوله
تذكرت ان بنت خالتي الثانيه منحشرة داخل الدالوب خخخخخ
قعدت اكركركركركرع
وهم يسولفون ويسولفون
تذكرت حالتي قالت وييييييييييين ....... <<ينت خالتي اللي في الدالوب !!
وين اختفت انا متأكدة انهم كانوا ثلاث !! هع
وتدور تحت السرير وورا الباب
يوم جت تفتح الدولاب الا وبنت خالتي متمسكة في بيبانه من الدااخل
وخالتي تسحب من برااا وهي تسحب من جوااا << صار كل اليوم شد ودفع هههههه
وفي الأخير عضلات خالتي هي اللي غلبت
طلعت البنت معرررررررقه وتسلم << تخيلو الفشيلة
يقولون متخبية منااا !!
المهم سلمنا و انحشنا ثلاثتنا من الغرفة
(تذكرت اكسسواراتي نسيتها على التسريحة عندهم ..
يوم رحت اخذها لقيت بزرانهم يلعبون في السلسال حقي << يؤ يؤ
اقوله بالطيب هات حبيبي ،، جيبه يابابا ..
وينحااااااااش ويالله الحق عليه ...
حجرته في زاويه في الصاله قدام مقلط الرجال ،،
بغيت اصفقه !! لقيت امه وراي ،، قلت له : تبغاها حبيبي ؟؟ خذها حلالك !!!
يوم راحت امه وريته الشغل هع هع
المهم دخلت بنت خالتي عند الحريم عشان تجيب غرض
ويوم رجعت الا ةهي قاعدة تحكك في جسمها وتفرك وتحك << كأنها جررربانه
شوي الا وجسمها تحت رقبتها يتنقش حبوب حمررررررراااا
قلت وش هذا بسم الله !!
قالت حساسية !!
قلت ياماما الله يستر عليك
محد قالك دخلي
ازينلك غسلي فناجينهم وووو << اقولها بمزحه على بالي حساسية صدق ..
ووصل الخبر لخالتي ..وانفجعت ،، وقاعدة تفكر شلون تاخذ أثر منهم
المهم يوم بغوا يمشون بيوتهم
قالت خالتي
ياجماعة انتم تعرفوني ماأجي هنا كثير
ولازم اسلم عليكم بحرارة ( وقاعدة تحك يدها في يدهم وتسلم كأنها الحجر الأسود )
وسلمنا عليهم وراحوااا
شوي الا وأحس يدي تخمشني وفيها حراره
يااااااالطييييف ..
قلت وسواس ماله داعي التفت له
وقاعدة تزييييد
لحقت خالتي وغسلت يدها في مويه ( اللي مسلمة عليهم فيها ) يعني معها اثر لهم
وبغت تتروش فيها بنت خالتي
انا قلت خلني أخذ منها في السر
الا وبنات خالتي يقولون ياااااويلك وش فيك محمرة ؟!!! وشصارلك ؟؟
انهديييييييت وررررركض عالفناجيل وغسلتهم مع المويه حقت خالتي
وصببنا منها على اجسامنا
وسبحان الله
كأن شيئا لم يكن
والله هدينا وصرنا نعومااااااات
<< اوخصوبعدها قررت اني ماأدخل على ضيوف لجدتي بتاتا
تعقدت شسوي
هههههه
.................
والسواليف الثانيه اللي من هالقبيل اكتبها بعد شوي
تعبت الحين ..
أسأل الله ان يكفينا والمسلمين شر حاسد اذا حسد
.................
اللي عندها موقف تكتبه للعظه
ولاااااااااااااتنسون تحصنون نفسكم بأذكار الصباح والمساء
قد تصيبك نظرة معجبه لم تذكر الله
بأذى يكون بدايه همومك وامراضك والعياذ بالله
وصدق الرسول صلى الله عليه وسلم ( العين حق ) (.. العين تدخل الجمل القدر والرجل القبر )
( أكثر امتي تموت بالعين )
او كما قال عليه السلام ..
فمان الله ...
ماشاء الله تبارك الله وفعلاً العين حق
اذكر وحده الله يستر عليها يوم كنت صغيره والجزمه ذاك الوقت وانتم بكرامه غاااااليه لما نلقاها بـ 200 !!! زمن قحط
المهم ابوي شاريها لي وهالمره اللي كنت ببيتها من النوع اللي الله يستر عليها كل شي تقول بكم سعره بكم وانا كنت بزر بأول متوسط
فقالت بكم جزمتك يابابا قلت 200 والله ياناس ممداها تنطقها شوي امشي الا انقطع سيرها وهي جدييييييييييده
قل اعوذ برب الفلق
عقبها حرمت الحين كل ماتسأل بكم فستانك بكم شيلتك بكم شسمه كلهم نفس الجواب (( ناسيه بس مو غالي ))
والله يكفينا ويكفيكم شر العين
كل الود