يخشو عني كل كبيره وصغيره ومن السبب الاكبر هي؟،،، صدمه

السلام عليكم
اهل زوجي وايد غريبين،، كنت انزل واجلس معهم هم ناس طيبين بس فيهم غيره اذا زوجي لبى طلباتي فعشان كذي هو ما يلبي كل طلباتنا بسبب غيره امه.. المهم كل ما يصير شي فعايلتهم حتى ولو تافه يخشو عني معرف ليش واذا جلست معهم ما يتكلمو عن الاشياء الي تصير فعايلتهم.. لا تقولو انا فضوليه لا.. انا مب فضوليه وعادي لكن في اشياء ما اعرفها وانصدم لما يجي الخبر من ناس برع.. انحرج لما يسالوني اصير كني غبيه وما عندي علم باي شي.. اكتشفت ان ام زوجي هي الي تعطي التعليمات عشان ابدا ما يعلموني بشي حتى زوجي صار ما يتكلم باي شي ابدا ابدا كانه لسانه مخيوط واذا سالته ليش تخبي عني وانا سمعت من برع يقول نسيت.. كل مره الحجه نفسها يعني افهميني ياغبيه..
مره قريبه زوجي كلمتنا عن شي وانا كنت موجوده معهم وفجاه وقفت عن الكلام وما كملت بسبب ان ام زوجي غيرت الموضوع وغمزتلها عشان ما تتكلم قدامي..لا تقولو اسرار العايله ما يطلعوها لزوجه الاخ.. يعني اذا في مناسبه او حتى وفاة اسمع من برع.. او حتى المريض يخشوه عني والعالم كله يعرف وانا اخر من يعلم.. هذي عائله؟!"
وام زوجي هي السبب وهي الي تفرق بيني وبين زوجات عيالها الثانيين كل شي يعرفوه.. مع ان ازواجهن مب وايد يدلعو ويلبو طلباتها كثر زوجي..
كرهت زوجي وامه.. نجلس عالفاضي ما يتسولف معي ممل بشكل فظيع جدا كعاده كم سنه وطبعه نفسه حتى ولو بادرت هذا الرجال100٪ متاكده انه ماراح يتغير ابدا ابدا.. بس همه المباراه والشبا