هذي الاكله يبي لها وقت شوي بس تستاهل
لان الطعم لايعلى عليه
وشكلها يواجه ومغري
{ اليخنات لازم تطبخ على نار هاديه }
عشان كذا تطول
ونبدا بالطريقه المصوره
اول شي من الليل او قبل ساعتين من الطبخ
غسلي اللحمه بملح ودقيق عشان الزفره
ثم نقعيها بالتالي { خل * ليمون * شوي ملح
ملعقة سكر * بهارات * ثوم بودره * ببريكا
فلفل اسود واحمر * زنجبيل مبشور * ورق غار
هيل ناعم * بشر ربع برتقاله * وبصل اخضر * ومويه للتنقيع }
واخلطي اللحمه معها وخليها لين بكره ولا ساعتين
وهذا شكلها بعد التنقيع من الليل
بعد كذا حطي في قدر شوي زيت ولما يحتمي ضيفي
له اللحمه
وقلبيها لين تتشقر بهالشكل
بعد ماتتشقر من جميع الجهات صبي عليها كاس مويه
مع موية التنقيع لزيادة النكهه بهالشكل
واذا طبخ خليه عشر دقايق يغلي بعدين قصري له مره لمدة ساعه
بس وكل شوي طلي عليه لايكون يبي مويه زياده
وبعد الساعه ضيفي له الخضار حسب اللي تحبين
وقصري له ساعه ثانيه ثم استمتعي بالطعم الذيذ
وهذا شكلها النهائي مزينه بالبقدونس
وطبعا لازم مع الرز او خبز حسب ذوقك
وصوره اقرب لليخنه
واذا ماتحبين التنقيع بامكانك الاستغناء عنه
بتتبيل اللحمه بالبهارات والثوم وطبخها مباشره
وتطلع لذيذه بعد
واي استفسار على الرابط هذا في الملف
http://forum.hawaaworld.com/showthread.php?t=1123919
اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله
:39:
