يدخلون ويطلعون بدون رد!!!

السلام عليكم بنات
أنا وأكيد كثير بنات تعرضوا لسالفه
اللي تجي الام او اخت الخاطب وتتفرج وتطلع بدون رد ويتركونج معلقة
أنا مثلا يالله عندي سبب اللي هو تعطيل حسبي الله ونعم الوكيل
بس لاحظت هالظاهرة كثير بنات يشتكون منها ولايتركون مجال للرجال يشوف
وانا برايي حتى لو الام ماعجبتها البنت لازم يشوف ولدها لان نظرة الرجال غير الحرمة
والمصيبة احيانا اللي يخطبون لاجمال زايد عندهم ولا شي ليش يشوفون روحهم
وفي بنت تقول الحريم عقولهم صغار مايبون ياخذون وحده تغطي عليهم !!!
برايي الي نيتها طيبة تخلي ولدها يشوف البنت وهو يقرر
في بنت فشلت اكثر من 8 مرات خطبة بسبب شوفه ام الولد وحلفت بعدها امها ان ماحد يشوفها
غير الرجال والخطبة التاسعة تمت وعندها الان بنوته وأمثله كثيررر
واختي شخصيا جات تشوفها اخت زوجها جات اخته الكبيرة تقول شكلها مغرورة ماتصلح لنا
وبعدها جات الثانية وقالت البنت زينة مافيها شي وشافها زوجها بصورة وعجبته
فاللي قاهرني ان اللي بيتزوج أنا والرجال شدخل اخته او امه من ناحية القبول بغض النظر عن الجمال هي مسالة قبول وارتياح مايحدده الا البنت والولد اللي يبون الزواج
ومن جانب اخر لاحظت اغلب الي يتزوجون حاليا ماعندهم اي مسؤولية او خلفيه بزواج او شغل بيت حتى قهوة ماتعرف تصبها وتحسين تصرفاتها لسه طفلة حتى سلام عدل ماتعرف رغم انها تكون بعمر 19 او 20 بس هالجيل يبيله وقت على ماينضج وبعدها يقولون نسبة الطلاق عندنا مرتفعه 50 بالميه حوالي نصف المجتمع مطلق مدري هي مبالغه ولاجد
وعذرا على الإطالة
ودعواتي لجميع البنات بالزوج الصالح والرزق الطيب
لاتنسوني من دعواتكم بالشفاء لي ونصري على من ظلمني لأني بجد احتاج دعواتكم
أنا بهم وكرب لايعلمها الا الله