يدعي علي اتكفن بالفستان !!

السلام عليكم
خواتي انا بهم وحزن كبير  مايعلمه الا ربي
قبل كم ساعه كلمت زوجي انه يعطيني الشهر الجاي مبلغ اشتري فستان
عندي زواج من اقاربنا وهذا اول زواج احضره من تزوجنا دخلنا رابع سنه
قبل كم شهر زواج ولد عمي وماحضرته كان عندنا ظروف اجار الشقه
ومارحت ماضغطت عليه بشي
المهم اكلمه وهو جالس يفرفر بالتي في ويحط ع برنامج وحده عريانه ترقص
ويبحلق فيها وانا مستغربه منه وكتمت بقلبي
قلت له وش قلت بخصوص المبلغ تعطيني 
تخيلوا يرد علي يقول بالحرف الواحد 
عساك تموتين وافتك منك خلاص قلنا بنعطيك جعلك تتكفنين بهالفستان
والفلوس بحطها بجزمه واعطيك اياها !! 
انا جاتني صدمه مدري وش اسوي بكيت قدامه بقووة قلت تبي تيتم بنتي ماعندي الا هالبنت
كل هذا كره بقلبك لي وماقدرت اتحمل رحت بغرفه ثانيه بكيت بكيت لما حسيت بيغمى علي
قريت سورة البقره كامله وصليت الوتر واستخرت احس خلاص عافته نفسي وافكر بالطلاق
مقدر اعيش مع واحد يدعي علي مع العلم ماتزوجنا الا بصعوبه وحب كبير ااه مو مصدقه 
والمصيبه الاكبر اليوم يقول لي رحت لاهلي واكلم امي بموضوع وقلت لها جعل يومي قبل يومكم
يقصد اهله انه يفديهم بروحه 
وانا ينفس الليله يدعي علي
تكفوون شوروا علي لو وحده بمكاني الله لايقوله وش راح تتصرف