يدلل على أخته عند زوجي 😡😡😡😡

صباح الخير يابنات
زوجي امس الصباح وحنا نتقهوى قال اقولك شيء ولا تزعلين 🤔
واحد من زملائي عرض علي أخته قلت انا متزوج قال لا هو ماهو زواج عادي هو زواج بالسر وتجلس مع اختي لين لو طفشت من زنها و منها طلقها والله مازعل قال زوجي قول الحقيقة احس فيه شيء مو طبيعي بالسالفة قال هي كانت متزوجه ولد عمي ٢٢ سنه وعندها منه ولدين وثلاث بنات وكبيره عمرها ٤٢ ولكن الله يصلحها زنانه وتصرخ اوقات وكان يستحملها زوجها كثير لكن في مره طلقها بعد ولادتها الثانيه ومره في السنه العاشره وقبل ست شهور عصبته ونسي المرتين وطلقها المهم انه العيال تبهذلوا حتى ولد عمي تبهذل واختي ندمانه وتبغى ترجع حياتها بس مافي الا تاخذ زوج ثاني وانا اثق فيك ومااقدر اقول هالسالفة الا لك لاني اثق فيك انت عيش معاها لين تستحيل العشره وطلقها ولا بزعل منك
رد زوجي اسف انا ماني تيس احلل الحريم وبعتبر اني ماسمعت السالفة
قلت انا مجنون فيه رجال يدلل على اخته عرضه وكيف كبيره ٤٢ ممكن تحمل عادي لو حملت بيفرح ولد عمها بالخبر والمصيبه الاكبر لو حبيتها وحبتك بتنسى عيالها وتخرب حياتها حسبي الله عليها في ايام الحج