شكرا لك ما الكافور
لكن قصدي اريد ان اعرف يعني كيف تغسل المواعين طبعا اكيد ما فيها لا اسفنجه ولا سلك طيب كيف تغسل
وبعدين طيب اقدر اختار درجة الحراره اللي ابيها في اي برنامج والا كل برنامج له درجة حراره معينه
طيب اذا كنت لا اريد تجفيف اريدها ان تجف بالهواء الطبيعي وعشان اوفر كهرباء كمان فيه برنامج لهذا ولا لا
وبعدين لازم يعني صابون خاص لهذه الغساله وملح وملمع مع انه شفت هذه الاشياء في السوبرماركت بس لقيتها غاليه
يعني ما يصلح اي صابون بودره ولا سائل
انتي من البحرين صح
انا لمن شفت سعر غسالتك 1800 قلت انه سعرها معقول مع انك مدحتيها وان ما ابغى اروح واحوس في المحلات وادور وخاصة انا من الاحساء يعني تقريبا في كل محل اروح ادور على غساله ومالاقي غير واحده او ثلاث وكل واحده شركه غير اريد محل يكون فيه من كل شركة عدة موديلات اختار منها اللي يناسبني حتى لو كان من الدمام او البحرين وخاصة احنا في السعوديه مااحد يشتري غسالة صحون كثير
اريد ان اعرف ما هي صناعة غسالتك لاني شفت انا بعض ماركة ال جي بتكون صينيه
سامحيني ثقلت عليكي بس تحمليني لاني متردده وما ابغى اشتري واحده وبعدين اشوف غساله ثانيه فيها مواصفات وبرامج احسن وبعدين اندم
انتي قلتي اللي عندك صغيره طيب الكبيره تكون اكبر من اي جهة
وياريتك تدليني عالمحل اللي فيه الغسالات سواء المحل اللي انتي اشتريتي منه اومحلات ثانيه يعني لمن ادخل البحرين من وين اروح لاني ما اعرف في البحرين كثير
كم كهرب الغساله 110والا220 وتتوقعين يصلح لكهرب السعوديه لانه انا جربت اجهزه من الامارات ما تتحمل كهرب السعوديه كثير مو كلها بعضها اظن يكون فيها رقم او شي نقدر نعرف منه اذا يصلح ولا لا
سامحيني مره ثانيه بس والله مخي يعورني من كثر ما افكر واريد اشتري وبعدين اندم
تحمليني الله بخليكي وجاوبيني عل كل اسئلتي لانه يمكن في هذه اليومين اروح البحرين

طيب دائما مع كل البرامج يسود القدور والا في شي ما يخلي القدور تسود
وبعدين لازم اعمل فتحه لتهويه الغساله لانه مثل ما قلتي انه بتغسل بماء حار يعني المطبخ بيصير حار من الغساله ومن البخار ولا لا

ما شاء الله
يعطيك العافيه
تتهنين فيها يالغلا

هلا خيو حموزية وعادي اسألي على راحتك :)



لا حبيبتي ما فيها لا اسفنجة ولا سلك وتستخدم طريقة الدفع القوي للماء عن طريقة مروحتين وحدة فوق والثانية تحت وحدة صغيرة للرف العلوي وبهالطريقة تنزال الأوساخ



ما تقدرين تختارين درجة الحرارة لأن مثل ما قلتين ان كل برنامج له درجة حرارة معينة بس تقدرين تزيدين درجة الحرارة من خلال اختيار اكسترا هوت >> الزر الموجود في لوحة التحكم ويرفع لج درجة الحرارة إلى 77 درجة



برنامج الغسيل السريع هو فقط اللي ما يجفف بس هذا البرنامج ما يصلح الا للمواعين الخفيفة وبعدين ليش تبغين توفرين كهرباء هي اصلا ما تصرف كهرباء واجد واذا خليتينهم يجفون بالهواء الطبيعي راح يبقعون ليش او انج لازم تجففينهم بالفوطة وفي هالحالة ما استفدين من الغسالة 100%



اي لازم صابون خاص فيها ما يصلح تستخدمين السائل العادي لأنه يخرب الغسالة وترى مو غالين وااجد يعني الملح العلبة 2كجم سعرها ما يتعدى 3 دينار = 30 ريال والملح يظل فترة تتعدى 6 الشهور والملمع راح تحتاجين تملين الخزان كل شهر تقريبا وعندش المكعبات اللي تجي 3في1 وتغنيش عن الملح والملمع بس اني ما اتطمن فاستخدم المكعبات بالاضافة للملح والملمع ولو بتحسبينها راح يطلع لج ان الصابون العادي يكلفج اكثر من صابون الغسالات






اي اني من البحرين ، وسعر الغسالة على حسب حجمها يعني اني اخترت الصغيرة اما الكبيرة سعرها 240 دينار وبالنسبة لسؤالج عن المحلات ترى حتى عندنا بالبحرين ما في محل يجمع كل ماركات الغسالات اني لما رحت ادور كنت مثلج القى بالمحل 3 او اربع ماركات





صناعة هولندية









اي اللي عندي الصغيرة والكبيرة تفرق في الحجم ، والمحلات عندج اماكن كثيرة



1- هوم الكترونكس في مدينة عيسى صوب السوق الشعبية
2- جيان في مجمع البحرين في السنابس
3-شرف دي جي في مجمع السيتي سنتر
4- غاز السلام في جدحفص




وانا غسالتي اخذتها من وكيلها عبدالجبار الكوهجي في السهلة واذا تبغين الكبيرة عندش الفرع الثاني في سوق المنامة صوب باب البحرين









220 فولت واذا تصلح لكهرب السعودية ما ادري بس انتي اسألي واعتقد انها تصلح





بالنسبة للقدور مو كل القدور تسود فيها التيفال والستيل عادي بس الالمنيوم يسود فيها واني ما جربت لأني ما استخدم قدور الالمنيوم وبالنسبة للتهوية لازم يكون على الأقل تتركين 10 سم في كل جهة وفي الكاتلوج يبين لش طريقة تركيبها داخل الدولاب





اتمنى اني افدتك في الاجابة على كل أسئلتك وتوكلي على الله واشتريها وريحي بالك من التفكير ترى كل الغسالات تأدي مثل الغرض اللهم الاختلاف في البرامج