بارك الله فييك

مبروك عليك الغسالة الجديدة والله يهنيك فيها

الملح ينحط بدون ماء لأن هي بعدين تملأ الخزان ماء تلقائيا وكميته حوالي 1.9 كيلو أي أقل من الكيلوين بشوي

والملمع تحطين لحد ما تحسين انه بدى يطلع من الفتحة بس مو ينسكب والشي اللي مثل الساعة هذا تستخدمينه لتحديد كمية الملمع في كل غسلة ولا تشيلينه عادي حطي الملمع عليه وضبطيه على رقم 3 او 4 والملمع كل ما خلص راح تولع لك اللمبة يعني تقريبا كل شهر تحطين ملمع مو كل يوم مثل ما قال البائع







طريقتها او شي تشغلينها بعدين تضبطين اي رف وآخر شي تختارين البرنامج وخلاص تشتغل



مسامحة أختي ما أقدر اصور لج التصريف لأنه طالع على الخارج مباشرة وأني بالطابق الثاني بس بحاول اصوره






الوقت يختلف على حسب البرنامج اي ان لكل برنامج وقت محدد واكثر برنامج ياخذ وقت هو البرنامج الكثيف اللي ياخذ ساعتين وشوي والفضلات اهم شي ما تكون صلبة مثل الرز والسلطة والمعكرونة اما الفضلات السائلة عادي ما تأثر على الغسالة وما يحتاج تغسلينهم اهم شي بس تتخلصين من الفضلات الصلبة


ما شفت اي شي من هذا اطلع الكاسات وهي تلق وما عليها اي اثر للبصمات :)



ويبارك فييك :):)

عزيزتي ماء الكافور
الله يجزاك خير على الافاده
بس حبيت اسأل
المؤشر حق الارقام اللي عند الملمع وش افضل شي احط على اي رقم؟
وهل البرنامج اذا حطيته كثيف بيصرف ماء اكثر؟؟؟؟؟
لاني غالبا احط على اتوماتيكي آلي بس اذا فيه قدور احط كثيف

واحيانا تطلع المواعين وكأن ملمسها لزج شوي مدري من الملمع او من ايش؟

ال جي ممتازه لايعلا عليه فعلا يدك اليمين وبس

يعطيك العافيه يا بنت البحرين ماقصرتي والله يبارك فيك

المعلومه للملح والملمع وصلت جزاك الله خير

والتشغيل فهمت عليك بس اذا حبيت استخدم زر ساخن جدا كيف طريقته ؟؟؟
اسوي زي كذا اظغط زر التشغيل وبعدين اختار اي رف وبعدين اختارساخن جدا (اذا بغيت) وبعدبن اختار البرنامج