يد بيد لتغيير 00000حياتنا يا زوجات للافضل

هلا خواتي 0000موضوعي يمكن يفيد اي وحده عندها مشاكل مع زوجها اومع الحياة عامه 00ابغاك تعتبرين اليوم مولد شخصيتك الجديده 00افتحي صفحه جديده بحياتك 00نبدا بعلاقتك مع ربك وهي اهم علاقه جدديها اضيفي صلاة الضحى لحياتك فيها بركه عظيمه خلي لسانك رطب بذكرالله لايمر يوم الا فاتحه المصحف وقاريته تصدقي على حسب قدرتك تلقين البركه والراحه النفسه العجيبه 00الحين نجي لعلاقتك مع زوجك 00من اليوم ورايح اعتبريه شخص غريب 00اعتبري نفسك توك عروس 00 الحين خلينا نلقي نظره على ملابسك 00هذي الملابس ممكن تلبسينها عند ضيف او غريب 000الغالبيه لابسين جلابيه او بيجاما لاحبيبتي من اليوم ورايح خلي اللبس الواسع للمطبخ والشغل 00شني حمله على دولابك وقسمي لبسك لبس الشغل والطبخ خليه بقسم خاص لاتلبسينه الا اذا زوجك موفيه 00اما اذا هو موجود البسي الحزق والملزق نوعي مره كذا مره بناطيل او برمودات وتنانير قصيره فوق الفخذ والفساتين القصيره يحبونها الرجال جدا 00المهم استقبلي يومك بفرح قومي وافتحي شبابيك بيتك خليه يتهوا استمتعي بالهواء والشمس لما تدخل بيتك 00تنفسي بعمق املى رئتك بالهواء خلي الشمس تلامس بشرتك 00يعني حتى الهواء والشمس استمتعي فيها وتذكري انك بنعمه الكثير منها محروم 00ايه 00كثير من الناس بغرف المستشفيات المظلمه المعقمه حتى الشباك ما يفتحونه 00شفتي نعم الله عليك 00روحي لمطبخك وسوي طبق لزوجك واطفالك 00لكن هالمره بحب 00استمتعي وتفنني وانت تطبخين واحتسبي الاجر 00غيرك تتمنى تتحرك يدينها عشان تطبخ لاسرتها اوحتى بس تقدر توقف لانها مقعده 00شفتي نعم الله عليك0000روحي لغرفة ملابسك البسي احلى شي للرجل الغريب اللي راح يجي حطي احلى مكياج سرحي شعرك بطريقه مختلفه لان زوجك يشوفك بنفس الستايل ماتغير ينه 00عطري بيتك لضيفك العزيز اللي جايك وتذكري ان بيتك مملكتك تدل على شخصيتك 00جاء عريسك قابليه بحب وبدلع ارجعي لايام الزواج الاولى هلي فيه ورحبي ترى هو اولى من ضيوفك اللي لسانك يتعب وانت تهلين وترحبين فيهم 00اشكريه على طلعته من الصبح ما يجي الا بهالقوايل 00ادعي له 00قدمي له عصير ينعشه او حتى كاسة مويه 00غيري له ملابسه امزحي معه 00اضحكي 00ارجوك رجاء حار اجلي كل المشاكل بينكم 00جربي بس اسبوع بدون مشاكل ونقاشات 00انا اللي يهمني بالمقام الاول انت مو هو 00ابيك تعيشين بسعاده وتنسين مشاكلك شوي 00تكلمي معه بصوت هادي اهمسي نعمي صوتك 00عيشي قصة حب معه 00لاتقولين ما يستاهل والا موحاس 00سوي هالشي عشان انت بكل شي راح تتغييرين عشان نفسك 00العبي مع اطفالك اضحكي ربيهم بحزم لاتصارخين لاتهزئين 00لاتنسين نفسك اعطيها حقها 00مارسي هواياتك تعلمي لغه اشتركي بانديه 00وقفي واسالي نفسك 00ياترى كم باقي لي بهالدنيا 000ماتدرين عشان كذا اصفحي وسامحي 00لاتفكرين بكلام الناس واهانتهم لك موغباء منك الا قمة الذكاء 00اذا دققتي بكلام اللي حولك بتمرضين 00ارجعي طفله بريئه ما تفهم التلميحات والكلام الجارح 00انا وانت عارفين انك تقدرين تردين عليهم ورد قوي بعد 00بس ليش كل هذا 00ماراح يكون لك ولا مكسب الا شوية تجاعيد وحزن مرتسم على وجهك 00واللي تقول ماعندي وقت لاتتوقعين ان التغيير يجي لحد عندك لا احنا اللي ندوره ونستدعيه 000اتمنى لو وحده منكم تستفييد من اللي كتبته واتمنى اتغير انا وانتم للافضل 0لاني اقنعت نفسي بهالطريقه وهان علي كل شي ناقصني من امور الدنيا 0