يذكروني بمواقفي ويضحكون باستهتار

اهلين بنات

كيف حالكم ..

انا عشت طفوله جميله وللحين اتلذذ بطفولتي وبرائتي
كنت شقيه مره وحركيه ولي مواقف اعتبرها شقيه ع براءه عادي

لكن ياناس أقاربي ماخلوني بحالي ابددد
فجاءه اكون مع بنات أقاربي بعمري ويضحكون ويقولون يامجنونه
وانا عارفه ليش يقولون كذا لان صار موقف وانا صغيره
بس عادي يدل ع شقاوتي طيب كيفي موقفي وحياتي
صرت مجنونه بعدها عند الكبير والصغير
المهم من حسن حظي اننا ساكتين بمنطقه غير منطقتهم
لكن انا من يومي اخذ حقي الحمدلله مااسكت
وتركتهم سنوات انقطعت عن البنات بسبب جرحهم لي
وارجع السنه اللي فاتت لهم عادي كانت ايام عيد
وبعدها جلست مع وحده من البنات ونسولف ونضحك
وجابت سيره الموقف وتضحك جيت انصدمت بعد كل هالسنين بس يعيدونه خيرررر !!
قلت لها خلاص بعدين مافيها شي موقفي عادي وكنت جاده بنبره صوتي
جت سكتت ع طول وقالت ايه صح ..

بس ترا شعور صعب تجلسين مع ناس يستفزونك بماضي طفولتك الحلو بنظرك

اقولكم حتى الرجال اللي عندهم عيال يسترجعون مواقفي ويضحكون باستهتار

زي مره كنت جالسه عادي جاء واحد قال تذكرين يوم تدخلين إصبعك بعين عمي فلان
ويضحك ويضحك قلت وبعد ادخلها بعينك وحركت يدي عند عينه وانصدم وسكت هذا موقف صار وانا صغيره يمكن عمري 7 سنوات كانت بنت عمي تعضني بكل مكان بجسمي وانا ساكته وكنت صغيره جاء عمي يقول ليش وش سويتي لبنتي كنا نتهاوش هواش بزران عادي وانا حسيت بقهر بنته وجعتني وهو يقولي وش مسويه لها ههههه جيت دخلت إصبعي بعينه وشافو جسمي بعدها كلو عضات


بكل مكان عادي تجي مرت خالي تقول يامجنونه
عادي خالي لما تركتهم يقولي صرتي مغروره
ومريت بظروف ويقولي ليش انتي حزينه
لكن ماخليتها له كنت ابكي لما قال ليش انتي حزينه
قالها لي عند امي وزوجته وأخوي
رديتها له بحركه حلوه تغير وجهه وسكت
ولاحظت بعدين اي تعليق لي اشوف زوجته تصرف الكلام عشان يسگت
يعني تدافع عني عنده ..
للعلم اني اخذ حقي ومااشيل وخالي احبه اللحين وهو تغير عن اول مره
وصار يرسل لي واتس سفراته وغيرها
بس جرحه يجي ببالي ،

والعيد هذا مارحت لهم خير شر مااقدر انسى مواقفهم وضحكهم علي
بعد انا بشر ، لما كنت أرد عليهم اذا ضحكو علي يترفزون انو ليش اقولهم كذا
طيب انتم اللي بديتو .. عجيييييب


حبيت افضفض لكم ..
وأحب انصح اي وحده تسوي ظريفه وتسوي حركات مالها داعي
لوحده كانت بطفولتها شقيه حتى من باب المزح
خلو البنت بحالها هي عارفه طفولتها وعاجبتها كيفها
وأي شخص له ماضي بنظركم غبي هو عاجبه ترا
ممكن فيه ناس مرت باللي مريت فيه وهي عارفه قصدي

وبسس الله يسعد قلوبكم ..