كاتبه الموضوع وانتي مفكره صح اقول لاينفخك الشيطان وانا اختك مااشوف شي يستاهل

ماالوم اهلك اذا حبوا بنت اخوك اول شي اكبر من ولد اخذه الغلا الشي الثاني بنوته والبنت لها حب اكثر من الولد بالغالب والشي الثالث ساكنه عندهم

مافي وجه مقارنه

زمان قبل اتزوج كانت زوجه اخوي ساكنه معنا وجابت بنت وزوجه اخوي الثاني ببيت لحالها جبت ولد تعالي شوفينا مع بنت اخوي منهبلين فيها واخواني يشيلونها للبقاله معهم واخذه كل الحب وولد اخوي نحبه مجامله مع ان الناس تقول وشلون تحبون البنت اكثر من الولد لانه ماشاءالله جميل مره ملفت الله يحفظه

الحمدلله ان زوجه اخوي متفهمه وعندها عقل مو تتزعل وتقول بنفسها اكيد بتحبونها اكثر لانها عندكم




الحين كلهم كبار وغلاهم واحد وبعد ماعيلنا صرنا نحب عيالهم الباقين بالقلب يكفي




ويااختي ترا ابوك يمون عليك اذا هاشك وهاش عيالك بس مايمون على بنت الناس بكرا تنتفخ عليكم

دايم عيال الولد اقرب من عيال البنت
الولد يشيل اسم جده ام ولد البنت يشيل اسم اهل ابوه


لكن الجده اغلب الاحيان تحب عيال اصغر بناتها اذا كانو عندها دايم


وانتي انصحك خليك ع طبيعتك لاخواتك لا تبحثين عن رضاهن على حساب نفسك
اهم شي رضاء والديك عنك ومو لازم يحبون عيالك اهم شي انهم مايأذونهم ويهاوشونهم
واذا سافر زوجك خليك معه او اجلسي ببيتك
الاطفال مايتحملهم الا بيتهم يكفيهم صجة عيال اخوك

وبخصوص التفرقه اهلي يفضلون بنتي على بنات اختي وباقولك الاسباب
من ولدت بنتي وانامشاكل مع زوجي فكنت انام كثير عند اهلي وحصل انفصال بيني وبين زوجي فبنتي منذ الولاده عاشت عنداهلي اكثر من اهلها
فكانت بنتي تعطي حس ببيت اهلي كانو يشوفونها بالمهد ثم شافوها وهي تبدا تتقلب ثم تجلس ثم شهدو على مرحله الحبي وبدايه المشي فهم حسو انها بنتهم كانو يجيبون لها الحليب والحفايض الين كبرت وصارت تدلع نفسها بنفسها يعني كانت تتمصلح وتتدلع على الكل ابوي وامي اخواني الشباب وكلمابغت شيء راحت لهم تضمعهم وتجبرهم يشترون لها من مصروفهم بالترجي والدلع
فصارت عاده عندهم ان بنتي تزعجهم وتحوس عندهم
وكانو يرحمونها لان امها وابوها منفصلين والله اراد ورجعت لزوجي فصارو يحسون بفراغ يتهيألهم صوتها في كل مكان اما اختي من جابت بنتها الكبيره عودت بناتها يحوسون عنداهلي ويكسرون اما عند اهل ابوهم اتيكيت مايلمسون شيء ومؤدبات اماانا عودت بنتي على الترتيب والنظافه وتنظف وصخها من الصغر فلماكبرت صارت تروح لامي تساعدها وتحوس معها في المطبخ وتسولف معها بعكس بنات اختي مايسولفون مع امي وابوي بس بثاره وازعاج وحوسه
بنتي اذا شافت ابوي تقعد له قعده وسوالف وضحك احيان يفهم عليها احيانا لا فصارو حتى اخواني يغارون منها لان ابوي ينفذ طلباتها وهم لا
فصارو يرسلونها له لاجل تاخذ فلوس منه لهم
وعودت بنتي تهدي امي وابوي هدايا من فتره لفتره
امابنات اختي مايعبرون امي تسولف معهم يجاوبون اي كلام
وسويت نفس الشيء عند اهل زوجي ارسل بنتي كل اسبوع مره ابو ابوها يفضلها على الكل لانه يحب ابوها ويذم بنات بناته اوعيالهم بحجه انهم عيال الناس حسيت انهم بدو يكرهون بنتي فصرت ارسل بنتي ايام ورا بعض ثم مااوديها واذا راحت لهم اعطيها هدايا تقدمها لعماتها او ازورهم وازين اخلاقي معهم او نتمشى سوى بطلعه باستراحه او شاليه او مطعم وبنفس الوقت اكون طيبه معهم ورسميه
فانا من ملاحظتي للناس واقاربي اكتشفت ان الاهل يفضلون الطفل الهادي المطيع المتعاون واللي يعطي حس ويسولف ويحس في اللي حوله ويظهرالمحبه للناس اكثر من المزعج والبثر
انا اذا حسيت اهلي تضايقو من بثاره بنتي اجلس اسبوعين او اكثر مااوديها لهم لاجل يشتاقون لها
اما اختي مسويه حساسيه منا ومانعه بناتها يروحون عند اخواني ماتثق باحد ويوم كبرو بناتها صارت تتذمر من اخواني ومن بنتي وتصارخ عليها وتعصب اذا امي وقفت مع بنتي ضدها وتعصب وتقول الغلا لها ولبنتها واناوبناتي ولاشيء
وامي دايم تكرر لي ان اختي خلت بناتها يستاحشون منا ولماكبرو تبينا نحبهم وبناتها باردين في السلام على امي ومايسلمون علي ومايحترموني مع اني خالتهم ويعاندوني ويقولن لي خبلا امابنتي تسلم على امي بحراره تضمها وتبوسها تضم ابوي وتبوسه وتضم اخواني لكن ماتحب اختي
امابناتها يسبون اخواني ويطردون اخواني ومايحترمون اخواني مع ان اخواني كبار
واخوي الكبير قال مره اختك مالها حق تزعل بناتها غير عن بنتك بنتك غير تربت معنا من صغرها صح بثره ومزعجه واحيانا ودي اسطرها واطردها من كثر ازعاجها بس احسها فرد اساسي في العائله لانها عاشت عندنااكثر
واناتوي طالعه من النفاس جبت بنت ثانيه مااخفيك اهلي ضاقو من بنتي الاولى وياما تذمرو من طلباتها ودلعها فكنت اعصب واثور عليهم لاني كنت تعبانه ولانهم السبب في خرابها بالدلع الزايد
فاستنتجنت ان الاهل مايحبون ان الطفل بوجههم طوال الوقت لانهم بصراحه ملو من بنتي بنفاسي مع انهم يحبونها
والان متحمسين لبنتي الصغيره وولد اختي الصغير لانهم صغار بنتي بعمر3اشهر وولد اختي بعمر شهرين
فانا احس ان كرت بنتي الكبيره وبنات اختي طاح وصار الاهتمام باللي توهم مولودين
فهذا طبيعي انا صرت اقلل روحتي لاهلي واعطيهم مساحه يرتاحون من بنتي وازعاجها لان من باب البر كف اذى ابنائك عن امك وابوك وبنفس الوقت اعطيهم الصغيره لاجل يحبونها
واكتشفت نقطه هامه ان الام والاب يحسون في عيالهم
انا بطفولتي امي كانت تحب اختي ومهمشتني فانا عشت مراهقتي منبوذه لكن كنت اسمع كلام امي امااختي لا كانت تمشي اللي براسها واحيانا تثور على امي وتتافاف فانا اعتقد ان تعاملنا مع اهلنا له دور بمحبتهم لعيالنا لاني حنونه على امي صح احيانا ارادها واصرخ عليها اذا عصبت لاشعوريا لكن اعوضها بشيء تحبه هي وابوي واسمعهم امااختي صايره نفسيه مايعجبها شيء لاالبيت ولا اهلي ولا احد تسوي خير ثم تنتقد ونقدها جارح امي دائما تقول ماعجبتها عيشتنا الود ودها تطلع ببيت الحالها وتنسفنا
واقولها بصراحه عندي اخ كبير متزوج زوجته من قله زياراتها لنا صرنا مانحس بعيال اخوي نحسهم اغراب
الان اخوي يتشكى لخالاتي اننا مانحب عياله وبصراحه انا نحس انهم اغراب مايسلمون ومايسولفون معنا ويقولون لامي مالك دخل او يتلفضون عليها فامي ماتكرههم لكن ماتحبهم واخوي بعد قاسي مع امي فمن تجربتي اقول اخلاقك وبرك معهم وتربيتك الزينه لاطفالك تحدد هذا الامر مع العشره انا اشوف محبه اهلي لبنتي تعودو فقط على وجودها لاني حسستهم انها فرد من افراد العائله اخليها تساعدهم وتخدمهم
وبنفس الوقت انا اسمع لاخواني وامي وابوي اذا فضفضو واعطيهم رايي عكس اختي الكبيره مالها خلق لشيء
فااللي صار لي ولبناتي لاني مرنه مع الكل
لكن مع كثر كلام الناس ان اهلي يحبوني انا وبناتي الظاهر اصابونا بعين صرت احس بضيقه لارحت لاهلي واتلفظ لاشعوريا بالفاظ على الكل وحاليا اتعالج انا وبناتي برقيا ادعو لنا الله يتمم شفا

الامر طبيعي وما يستاهل انك تزعلين
عيال اخوك انتي عمتهم والحمدلله ان جدهم يحبهم
وانتي بعد لاعبيهم وخليك ودوده معهم
وعيالك عادي ان لاعبوهم او تركوهم لا تتحسسين عادي الامر ومشي الأمور براحة نفس
ودايم خليك واصله مع اهلك
واثبتي لهم بطيبتك وأخلاقك واحترامك لهم كلهم وبمحبتك لهم وأنك تتمنين لهم كلهم كل خير اثبتي لهم هذا ومع الوقت الأمور تزين باذن الله
واللي حاصل من اهلك امر عادي

يابنت الحلال لاتدققين ابدا
حنانك وحنان ابوهم لهم كافي ...
تقولي يفرقو طيب ممكن عشان بنفس المكان عايشين وبيت واحد يكفي على زوجة اخوك مشاركة السكن معهم وكمان فيه كبار بالسن يحن على عيال الولد.. وعيال البنت يكون سطحي معاهم ،،
انتي بريهم واستمري على خلقك ولك اجر ... وحاولي قدر الامكان ماتحطي اطفالك الا لحاجه السوق خذيهم معاك في عربيه طفلين ...