انا حياديه واقول كلمه حق ولا اني اخطيئ المراءه ابدا هذي قصتك ومنها اشوف بصدق,,واضح ان المشكله عاطفيه واظن انها الغيره لانه يردد انه يبي يتزوج فزعلتي ورحتي لاهلك والخ , الغلط منك اولا الامر بينك وبين زوجك الصح تحلونها بين بعضكم واذا يبي يتزوج يتزوج ,, لو انتي بهذي الطريقه ماوصلتي لهنا ,, لو عندك مشكله بين احد غير زوجك هل بتحلون المشكله بينكم ام لا؟؟,
يعني زوجك متزوج متزوج ؟؟ فلو اخترتي الطريقه اللي ذكرتها اسلم لك لكن اتخذتي طريقة ثانيه ومنها كبرت المشاكل وزادت
بس بما ان المموضوع انتشر انك مو راضيه والكل معك خلاص بعدها ماينفع ,مالك الا ترجعين لنفسك وذاتك وتفكرين ياترجعين لها ياتجلسين ببيت اهلك لانه من الظلم تطلبينه ينفصل من اللي راح يتزوجها المراءه هذي مالها دخل بالمشاكل

الله يكتب لك مافيه الخير

الله يصلح اموركم ويجمع شملكم ع خير يا رب


يمكن اي بينكم حسد او عين استمري ع الرقية وسورة البقرة يوميًا وان شاء الله اموركم بتتحسن


لازم حدا من اعمامكم يتدخل ليصلح بينكم وخليهم يضغطوا عليه عشان يطلق الثانية قبل الدخول
انتي ع مشارف ولادة وعنده مسؤولية كبيرة لانه توأم ومستحيل يقدر يلحق لبيتين واولاده واولادها
لي بدو يكسب اجر بأرملة ما بيكون مسؤوليات كنير وبيكونوا اولاده كبروا مش هيك

الله يصلح الأمور بينكم ويجمعكم على خير

هو اتخذ قرار مصيري ونفذ ولا شاور
وانتي لك حق ترفضينه ومايقدر يجبرك ع شي
ولا يقدر يلوي ذراعك بعيالك
شوفي بما انه مادخل عليها هو اللي خطا هالخطوه وهو اللي يتحمل
يا انتي وعيالك ي هي وعيالها
وخليك جاده وعند كلامك واذا ارخصك وطلقك انتي تاكدي ان ماعليه حسافه وانه هو الخسران
شوفي انا قدر الله علي يوم من الايام ان يتزوج زوجي علي وقفت له وقفه جاده وكنت فعلا جاده من قلب ورب
لاني بصراحه ما اقدر ع الضره ولا اقدر اجبر نفسي ع تحملها والله لا يكلف نفسا الا وسعها
قلت له انت قررت ونفذت وانا لي حق عاد يا اقبل يا ارفض ومنت الرب اعبده
روح بطريقك وانا اتركني اربي عيالي الحالي ومصيرنا كلنا للتراب ليش اضيع عمري بنكد وبملاهد حريم وغيره واخاف اني افتتن بديني
خلاص اعيش لعيالي واتفرغ لعباده ربي
وبس وحاول وحاول واستمات ومرات يضغط علي بعصبيه ومرات باللين بس كنت جاااده وعند كلمتي وعطاني فلوس اكثر من مهرها بس رفضت قلت انا ماني موافقه عشان اخذ منك رضوه واطعن قلبي انت عندي اغلى من فلوس الدنيا بس انت بعتني وانا شريت نفسي والناس كلها مثل وضعك كانت معي وكان زواجه صدمه للصغير قبل الكبير
وحسفوه وازيدك من الشعر بيت ماكان بيني وبينه الا كل حب وتفاهم تصير مشاكل بس جدا عاديه وماننام الا وحنا متراضين وانا برضو بنت عمه واخذنا بعض عن حب المهم رجع لي ولله الحمد والفضل والمنه
وصار لي احلى من اول حس بقيمتي اكثر والحين السالفه لها اكثر من عشر سنوات وعدت وعقبال ما تعدي سالفتك بخير وسلامه
هيضتي جروحي