يرحمون امي وانا موجوده

صباح الخير انا بنت كبيره ومتخرجه في الثلاثينات من عمري وتحتي اختين صغار والباقي اولاد امي حرمه كبيره مره في السن الله يخليها لنا طبعا البيت انا اقوم فيه من تنظيف وغيره على حسب استطاعتي امي طبعا ما تسوي اي شي واصلا ما تعرف للكنس وغيره ولو حاولت انا منعتها وبشده هي تحب الطبخ تقول ما اعرف اجلس كذا بدون ما اسوي شي قلنا اوكيه الطبخ براحتك هي فقط الاكلات الشعبيه والرز يعني الاساسيات بتقولون وين المشكله المشكله اني دائم اسمع من عماتي وخوالي يرحمونها من ناحية الشغل اوضح لكم اكثر خالي دائم يقولها يا اختي الله يعينك على تنظيف البيت والله قلبي معاك ولا مره كانت معها حساسيه في الصدر قال ايه اكيد هذا من الفلاش الي تنظفين فيه ولا يقولها مسكينه ليتك تجيبين شغاله احسك تعبتي لا ويقول كذا في كل اجتماع لخوالي قدام الجميع ولا مره بنت خالي قالت لها ليش ما تجيبين شغاله تساعدك في شغل البيت والله يا عمه اني ارحمك يعني بختصار الناس ينظرون لنا انه امي تكرف ليل نهار وانا وخواتي حاطين رجل على رجل والله اني انحرج خاصه اذا تكلم خالي في هذا الموضوع قدام الملا خالاتي وبناتهم وخوالي انا اقول في نفسي انا وين رحت ليه وش فاكرني المشكله امي ليتها تتكلم وتقول لا والله انا ما اسوي شي بناتي مريحيني لا تسكت احس ودي انفجر بوجه خالي اقول مو معقوله يا خال ان وحده عمرها ثلاثين وامها كبيره وكل الكرف على الام من وين جبت ها الموال الغبي حتى مره اذكر ما عندنا اي ارتباط فاضين وقالو بنات خالتي تعالو زورونا في البيت قلت اوكيه امي قالت يا بنتي والله انا مالي خلق وبعدين مرت عمك بتجي ابتسلى معها انت روحي استانسي مع البنات قلت براحتك وسويت قهوه وشاي ورحت يوم رحت اشوف مرت خالي تسولف مع خالتي عن امي انها ما جت لان عندها ظيوف والله يعينها على الداخل والطالع ياليت لو على الاقل عندها شغاله تساعدها واسمع كلام يقهر انا ما تحملت الوضع جلست شوي وجاملت وبعدين رجعت البيت