يزااااااج الله خير ياللي ما أذكر إسمج صراحه جربت خلطااتج ونفعتني

السلام عليكم خواتي
اشحالكم
عساك بخير
صراحه أنا من أشد المعجبات بهذا المنتدى الراقي ودومي أدلخ وأجوف المواضيع
وشدني مرة موضوع لإخت كويتية كتبت عن مشكلتها مع شعرها وتجربتها الناجحة في العلاج
فأنا قمت وخذت منها الأشياء اللي حسيت إنها ناسبتني
وبديت اعالج شعري
مشكلة شعري من النوع المدرج يعني لا خشن ولا ناعم وسط (شرات البلاليط :32: )
وفي عرس أخوي سويت له تمليس الله لا يوريكم
تقطع وصار خشن كانه محروق ولونه باهت وكل أنواع الإعاقات فيه
المهم
توكلت على الله وسويت الآتي على كلام الإخت الكريمة يزاها الله خير

هي قالت عن خلطة الحنة اللي تساعد على تكثيف الشعر ونعمومته وهي
حنة يمنية (أصلية مب المغشوشة ) +ثلاث ملاعق روب+ثلاث ملاعق خل تفاح+ثلاث ملاعق عسل طبيعي+نص كاس زبدة+ماي دافي+فصين ثوم
تخلطينهم كلهم مع بعض
هذه خلطتها
لكن بعض المقادير ما حددتها انا روحي حطيتها وكنت طبعا أغطي شعري بكيس وأربطه عشان ما أخليه يتعرض للهوا
لنه الحنة لما تيبس تخلي الشعر يصير خشن ويتكسر مادري كيف
عشان جي أحسن شي غطي شعرج يوم بتحطين الحنة بكيس
طبعا ما تخلينه أكثر عن 3 ساعات

أيضا من الأشياء اللي قالتها ونقعتني أنها قالت كانت تستخدم زيت الخروع مع مجموعة من الزيوت (خلطة زيوت يعني )
أنا عن نفسي خلطت زيت الخروع +زيت اللوز+زيت النخاع
وكنت أحط الخلطة على شعري في الأسبوع مرتين أحط الخلطة في شعري أقل شي 6 ساعات
وبعدين أغسله

طبعا في شي كنت أستخدمه هي نبتة الكثيرة أستخدمها كانها حمام زيت
صراحه وايد فادت شعري
لكن من ودريتها حسيت شعري بدا يتساقط شوي مثل أول فمادري يمكن النبتة لازن تستخدمينها باستمرار
أنا الحين تركتها أريد أعرف شعرب بيوقف تساقطه وبيرد طبيعي ولا لا
المهم
اللي أقدر أقلوكم إياه
أنه خلطة الزيوت اللي استخدمتها
وخلطة الحنة اللي وصفتها الإخت الكويتية يزاها الله خير
غيرت شعري تماااااااااااماااو لله الحمد
هو كان أسود بس باهت ومتقصف وخشن
الحين الحمدالله
رد لونه أسود وفيه لمعة حلوة والكل يلاحظ هالشي غير إنه صار ملمسه ناعم ولله الحمد
فأنصحكم خواتي إنه اجربون هالخلطات وبتدعون لي بإذن الله
وأيضا مع العلم كانت ذاكرة إنج لازم اتقصين شعرج أول قبل ما تعالجينه عشان تتخلصين من الشعر المتقصف
صراحه انا ما قصيت شعري على طول وكان فيه تحسن
لكن بعد ماقصيت الشعر المتقصف كله
بين أثر الخلطات أكثر ونفعت شعري أكثر


بس بالنسبة للحنة أفضل إنكم ما تستخدمون إالا النوع اليمني لنه الحنة اليمنية صراحه روووعة انا عمتي اتيبها لنا من اليمن واللي تقدر توصي حد أفضل اييب لها حنة يمنية
لنها صراحه غير تخلي الشعر مثل الحرير
والله يوفق الجميع
إختكم بنت الامارات
آنسة فلافل :)