يسبوني في الواتس اب

بسم الله الرحمن الرحيم
السﻻم عليكم ورحمة الله وبركاته
بنات انا ضايق صدري وحابه افضفض لكم وطالبه منكم التوجيه والمساعده واستشيركم في سالفتي

ابدأ من اﻻول انا تطلقت وعمري 17 سنة انتقلنا من بيتنا القديم الى جديد كانت ساكن قدامنا رجل سعودي قبيلي متزوج مصريه ومعها الجنسيه السعوديه وكانت هي اكبر مني بكثييييييييييير يمكن تكون وقتها في الثﻻثينات مدري المهم وقتها انا ماكان لي صديقات كل البنات اللي في عمري ماقدرت اصادقهم ﻻني مطلقه المهم كنت وحيده مالي اﻻ زوجة اخوي الكبير هي الوحيده اللي تتواصل معي مالي اﻻ اخت وكانت وقتها صغيرة في اﻻبتدائي المهم كانت جارتنا المصريه تجينا وتحاول تصادقني كل كم يوم تزورنا انا ماكنت مصادقتها وﻻ كنت اطنشها ﻻنها ضيفه المهم سنين وسنين لين تعودنا عليها وصارت وحده مننا تجينا في كل المناسبات والعيد ﻻزم تقضيه معنا انا خﻻص تعودت عليها وكنت احن عليها اقول في غربة وترتاح لنا بس كان فيها طبع جدا مو حلو عصبيه ولسانها طويل وتتمشكل من غير سبب وكانت تتعمد اذا كلمتني في الجوال او التلفون وصادف ان زوجها او احد من اوﻻدها جااس عندها انها تطول لسانها علي مدري ويش تثبت لهم من ورا الحركه نبهتها وانكرت وكانت تضايقني انها متى ماشافت علي اي فستان تطلبه وطبعا ماترجعه فساتيني انا اتكلف غي شراها اما للعيد او لمناسبه وصعب البسه لبسه وحده وهي تاخذه على كذا انا اشتري لها مو لنفسي وصاروا بنات عمي والناس اللي يجوننا يتضايقون منها ومن لسانها اذا زارونا وهي عندنا هم متكبرين عليها وهي تشوف نفسها بعد ودايم تقول هنا بدويات ومن هالكﻻم صرت افصل بينهم ﻻهي تشوف الناس اللي يجونا وﻻ هم يقابلونها وصرت ماعاد البس قدامها اللبس اللي مو حابه انها تطلبه مني ماقصرت معها في شي ذهب ولبس وصداقه وكل شي من عام 2004 تعرفت هي على كوافيره من نفس جنسيتها وسحبت علي اذا اتصلت تصرفني شغالتها اﻻندونيسيه قلت طز كيفها سفهتها زرتها في وﻻدتها في بنتها ومن بعد قطعت هﻻقتي بها في يوم ارسلت لي صورة بنتها مع شغالتها استقبلتها عادي وطالعت في الصورة قلت ماشاء الله تهبل وراحت الشغاله سمعت بعدها انها نقلت بعد سنتين اتصلت علي تشره وتبكي ان انا السبب في نقلها انها ماتحملت تسكن في الحاره وانا زعﻻنه وانها رجعت علشاني !!!!! المهم اخذت بيت قريب مننا ورجعت حليمه لعادتها القديمة اذا كانت متهاوشه مع الكوافييره تكلمني وانا اختها وحبيبتها وهالكﻻم واذا تصالحت معخا تسحب علي ايامها ماكان في واتس اب عندها اذا بعدنا ماعرف اخبارها المهم انا رجعت كملت دراستي بعد سنيييين انقطاع فجأة اﻻ زوجة اخوي قالبه علي زعﻻنه ليه ﻻني وقت اﻻختبارات ماادخل واتس اب وﻻ ارد على الرسايل اتصلت علي قلت لها مشغوله باﻻختبار قامت تتريق بعد ماخلصت اختبارات ارسلت لها رساله قلت اشتقت لكم دوبي خلصت مادريت اﻻ طنشت وقامت تسب في الواتس اب في الصورة الشخصيه كل يوم تحط سبه مره تقول بعض الناس مثل العطسه اذا طلعت تحمدربك وكﻻم كله اهانه وتحط حسبي الله على من ظلمني انا وبناتي !!!!! المهم تجنبتها بعد سنه طاح اللي في راسها تبي تصالحنيوجت مسافره علشان تزورني بس انا كنت بره البيت مادريت انها بتجي ﻻهي اتصلت وﻻ كنت عارفه انها بتجي المهم ماشفتها وﻻ رجعت هي اتصلت وانا ماراح اتصل ﻻنها اهانتني والثانيه تعرفت على صديقه جديده وقامت تصرخ فيني وتنافخ كأني خدامه عندها قلت لها لوسمحتي سكري الخط اشوف مسكت اعصابي ﻻاسبها ﻻنها طلعت حقت مصالح المهم هي بعد قامت تسبني في الواتس اب !!!! وتتحسب علي بعد فترة من كثر ماتسب وتتحسب قلت في نفسي يابنت ﻻتكونين صدق ظلمتيها وانتي مو حاسه قمت قلت الصلح خير وهذا الشيطان دخل بيننا ارسلت لها رساله عن اﻻخوة والصداقه مادريت اﻻ هي ترد تحية لجميع المنافقين اللي عرفتهم في حياتي !!!!!!! انا ماعاد اتحمل اهاناتهم وخصوصا اني صابره وﻻ اغلط عليهم الغلط دايم منهن ومن لسانهن لي اﻵن اكثر من سنه ماكلمت زوجة اخوي وهي لي من بعد عيد الفطر ماكلمتها وﻻ راح اكلمها حاز في نفسي كرامتي ﻻكن زعﻻنه من نفسي ﻻني تعودت عليهن واشتقت لهم بزيادة بعد مشكله كبيره صارت لي وماكان يكلمني وقتها اﻻ اخواني الشباب واختي اختي لها صديقات كثير وانا مالي احيانا اتكنى اسولف معهن وافضفض لهن زي زمان ﻻكن ماباليد حيله انا لو كنت غلطت قلت استاهل ﻻكن هم االي قلبوا علي وحتى بعدها حاولت ارجع العﻻقه ﻻكن ماقدرت هم يبغون يسبون ويعصبون ويبغوني في كل مره استحمل جارتنا كاتبه في الواتس اب كﻻم معناه من يخبني بصدق هو من يستحملني بكل حاﻻتي !!! 20 سنه متحملتها وﻻعمري يوم اخذت منها او من بيتها شي بالعكس وفي اﻻخير اطلع منافقه وزوجة اخوي الله بسامحها حسبة اختي ﻻكن ﻻحول وﻻقوة اﻻبالله يابنات انا عمري اﻵن 38 او 39 ماني صغيره لشغل المراهقات والكﻻم الفاضي االي فيني مكفيني تعبت نفسيتي واغلب الوقت لوحدي ﻻني مطلقه جيراننا كلهم حريم في سن امي ماقدر اصادقهم وﻻوظيفه وﻻ شي الحمدلله