يستاهل اتطلق ولا هذا دلع مني؟؟

السلام عليكم ورحمة الله وبركاته
حياكم الله اخواتي
اعتبروا هذا الموضوع مجرد تنفيس عن الخاطر وفضفضة لكم لان ماودي اكدر خاطر امي بالامر فأسأل الله ان يسخركم لي لاني عرضت مرة موضوع هنا ولمست فيكم حب التعاون والنصيحة
رح ابدأ من الاول عشان تكون عندكم فكرة
انا اصغر العنقود في بيتنا ودلوعة امي وابي وحتى اخواني
طول عمري شخصيتي مشهوورة بالرزاانة والتعقل ومحبوبة بين النااس وطمووحة وجيدة على مستواي التعلمي والثقافي >>>بشهادة الجمييع والله
انخطبت من نااس كثييير لكن كل مرة يكون هناك سبب للرفض
مع العلم ان اهم شروطي كان الالتزااااااااااام وبيت منفرد ان كان له أخوة.
لما خلصت الجامعة خطبني واحد عن طريق جارنا ومدحه وجا وكلم اخوي وكان ظاهر عليه الصلاح فقبلت بعد استخارة واستشاارة
خلال مدة الملكة للي دامت 7 اشهر صرت الاحظ فيه امور زي طريقة كلامه للي على طول بوتيرة عالية وعنيفة ومرات يسب قدامي وكم مرة اهانني وانا مملكة وفكرت جديا مرات عديدة في الطلاق لكن امي تقولي طولي بالك وهذي مجرد توافه وبعدين كل واحد منكم يتغير ....الخ
تزوجنا والحمد لله : صحيح انه طيب جدا وحنون لكـــــــن بعد مرةر 5 اشهر من زواجنا صرت الاحظ عليه امور
صار يتهاون في صلاته مايقرأ القرآن>>>يعني مايعيش حياته وفقا لشكله للي مبين عليه مطوع : لحية وتقصير
غييير طريقة كلامه اللي للحين ما عدلها كلش يقوله بنبرة عاليه حتى لو كان امر بسيط كانه يهاوش وينهرني كثيرا لوما نبهته على هذا الامر قال انا متعود على هذي الطريقة في بيتنا
كمان اذا صار وتهاوشنا في شي يقولي كلام جارح جدا جدا واذا تصالحنا يقولي انا اقول وخلص ومااشيل في قلبي

لكن انا يبقى كلامه عاامل طعنات بقلبيلانه يجرح
هو اقل مني في المستوى التعليمي والان صرت احس بفجوة كبيرة بيني وبينه في التفكييير لدرجة ما عاد في مواضيع بيننا جدية الا مواضيع تافهة
ومشكلتي اني ماتعودت على هالشي في بيتنا كنت داائما انااقش وابحث مع اخواااني وتربينا على الاحتراام وتبادل الارااء بس مالقيت هالشي عنده
ماصرت احس اتجاهه بأي مشااعر والله افكر كل يوم بالطلاااق احس كل واحد فينا بعاالم
وكله كووم ومسالة التزاامه اللي ماعدت اشووف منها شي كووووم
كلما اخر صلاة لامر تافه احس نفسي كارهته ومو طاايقته
باختصااار ابغى اتطلق لاني حااسة نفسي مخنوووقة