يستعملون اغراض غيرهم بكل وقاحه

حنا موظفات في عمل كل وحده. جايبه لها كوب خاص بها نشرب فيه مويه وشاي او اي شي وواضعينها على طاولها في طرف الغرفه بجانب الغلايه انا من النوع الي ما احب احد يستعمل كوبي لاني كراهه المهم جبت لي كوب خاص بس كل مره اشوفه بيد موظفه معي ماعندها كوب وجالسه تشرب فيه كوفي طيب انا ابغى كوبي وياليتها تغسله اذا خلصت لا تحطه على الطاوله واذا جيت اليوم الثاني اشوف بقايا الكوفي فيه وهو معفن من جد اموت قهر تخيلو اكون نفسي بعصير او شاي وما ادري الا بيدها تشرب فيه كوفي المهم بعدها اختفى مدري وين وجبت كوب ثاني تخيلو ما بعد استعملته يوم جت الساعه عشر ولاني ميته جوع ونفسي بشاي اخذت كوبي الجديد ووظعته عند الغلايه ورحت للحمام عبال الغلايه تسخن المويه الا ولما طلعت من الحمام ابسوي لي شاي الا اشوف وحده ثانيه من الموظفات ماخذته تشرب فيه عصير قسم بالله اني مت من القهر ودي اتكلم بس ماقدرت لان الغرفه مليانه موظفات وجلست اكل لوزين وريقي ناشف وانا اطالعا واقول بنفسي جعلها للمر وبعدين استغفر وكل دقيقه ودي امسكها واقولها بهدو ومزح بس مدري ليه انا كذا دائم متردده ما اقول الشي في لحظته اسكت ومن ثم انقهر واكل في عمري وهذا طبع شين فيني بس من جد اكره كوبي اذا شرب احد فيه لا وليتها غسلته بعد عصيرها لا خلته وانا قبل ما اروح للبيت غسلته ونشفته بس برظه كرهته حتى لو بعد ما غسلته وصعبه اباخذه معي للبيت هو كبير وشنطتي صغيره بس مقهوره منها قليلة الذوق