يستمتع مع اهلة اكثر مني

زوجي يستمتع بالجلوس مع اهله وبزرانهم اكثر من الجلوس معايا
مع انه في بيت اهله كرف وإزعاج وحركه
بس في بيتنا جو مريح ولا فيه شي يشغله ومريحته ع الاخر
حتئ لو ابي السوق او اطلع اتمشئ انا اعرف إنّو هالشي مايحبه اسكت ما اطلب منه


كنت مره حركة ودلوعه وكل اللي يبيه أقوله سم
وأحب العب وكذا
بس هو مايحب ذَا الشي يضحك شوي ويخليني و يجلس ع جواله يتابع كورة وافلام وبرامج تلفزيون
صرت خلاص رسميه واسوي نفسي ماهتم وماحب الحركه والدلع وكذا
قلت يمكن لما اتغير يحس ويتغير ويصير يستمتع معي ويؤديني ويحاول يغير جو الفتور اللي عايشينه في البيت
ولا حس ولا اهتم
قلتله انا ودي احس فيك مستانس لما نروح مكان سوا وأحس انك مستمتع
بس بدون فايدة
وعيشتنا اكل ونوم وجلسه كل واحد لحاله


وإذا حصل اجازه علئ طول نحجز وننزل عند اهلنا وينسئ انه عنده زوجه


اذا راسلته علئ الجوال يتعامل معي برسميه وكلمه بكلمة بيخلص وبس


وأخواته وبزرانهم يسهر معاهم سوالف وضحك




أحسه يحبني بس مو معطيني اهميه ولا بيعيش معي زي اللي يعيشوه المتزوجين استقرار سوالف لعب طلعه ورجعه سوا


ولو فيه طلعه مع اهله يفرح ويستمتع بس معي الجو مره باارد ولا يعجبه يجلس طفشان وساكت مايتكلم