يسعد لي أيامكم انقذووني ابي حل

اهم شي في القهوة
1. نوعها وحمستها
افضل نوع البرية
ولازم لازم لازم ماتكون مطحونة ومخزنة
خليه يطحنها قدامك طازه
انا عن نفسي اخذ كميات قليلة واذا خلصت اشتري مرة ثانية
علشان مااضطر اخزنها فترة طويلة لانها تصير هاجرة وطعمها يصير سئ
يعني البن لازم يكون طازج وتوه مطحون اذا كانت قديم والله لو تسوين
ايش ماتسوين علشان تضبطينها ماراح تضبط
2 . مدة طبخها
من الخطأ ان القهوة تنغلي لمدة 5 دقايق
لازم تغلينها لمدة 15 دقيقة يعني ربع ساعة

طريقتي
لكل لتر ملعقتين بن
جيبي البكرج وحطي لتر موية مغلية
وحطي ملعقتين بن
وخليها تغلي ربع ساعة
جيبي ملعقة صغيرة هيل حب غير مطحون وكم حبة مسمار
وشوي زعفران واطحنيهم في النجر
قبل لا تطفين القهوة حطي نص ملعقة صغيرة حليب وشوي من اللي طحنتيه في البكرج وخليه ثواني
حطي باقي اللي طحنتيه في ترمس القهوة وحطي صفاية وصبي قهوتك وقفليها وخليها شوي
وتقهوي بالعافية
ولا تنسين تخبريني بالنتايج

لااله الا الله
القهوووة اساسهااا
ان يكون البن والهيل درجة اولى ممتاز
يعني البن الهرري الحمسة الوسط او الفاتحة ويكون مطحون نااعم
والهيل الهندي هو الافضل
بعدين الطريقة المعتادة البن يغلى مدة ربع ساعة على نار هادية
بعدهاا نضع الهيل وياخذ له غلية ثم نصفيه في الترمس ( الثلاجة )
يمكن اضافاات لهاا ياقرنفل او جنزبيل يازعفران

يسعدكم ربي لله يعطيكم العافيه

ماشاء الله البنات ماقصروا

اذا الطعم فالمشكله بنوعية القهوه او المطنحه الي تنطحن فيها القهوه

جربي قهوة الخولانى حمسه وسط ويطحنها قدام عينك وتاكدى انه مايستخدم هالمطحنه لشئ ثانى لانه يغير طعم القهوه + هيل فرحانه الهندى وطحنيه نفس الوقت واستخدميه طازج + زعفران الاعماق + شوى حليب بونى