السلام عليكم ورحمة الله وبركاته



اللي مصعدك نفسيا ومأزمك ، مقارنتك لنفسك مع الاقران وتضخيمك للامور
كل اللي معي جابن الا انا
االلي مثلي عندها

هذا كلام ماراح يزيدك الا سخط ونكد
واذا انتي مو بنت لطبقه ثريه ، شرعا مايلزمه يجيبلك شغاله فهو حر والبيت واجبك ومسؤوليتك
شوفي كيف تسهلين لنفسك بدل ماتأزمين الامور وتصعدين بنفسك


-- والشغاله عموما رزق فسألي الله من فضله وان يرزقك --

والبيت مايحتاج تلميع يومي
الطبخ كشنتك قطعي مايكفي اسبوع والسلطه كذلك ماتذوي ولاتذبل بدون ليمون ، حنا نسوي كذا
وتعيش اسبوع ، والطبخ مو لازم كل يوم تفنن وظروفك ماتسمح سوي الطرق الميسره الكشنه مع الرز والدجاج سلق بقدر وخلصنا تفنني بالاسبوع مره

وعيالك زي ماقلتي بالمدارس يعني مو صغار علميهم النظافه وربيهم عليها ، يحطون يدهم معك او على الاقل يشيليون غرفهم وامورهم ، ومره لفلانه حمامهم يتنظف ، ومره علانه وانتي نظفي العميق زي المراحيض كرمتي والامور اللي مايفهمونها


شجعيهم وعوديهم وربيهم على البر وعلميهم ثوابه
اصلا مايغث الطفل الا الفراغ ، خلي لهم ساعه انجاز وتنظيف تقوى شخصياتهم وشعورهم بالانتماء لاسرتهم وتقديرهم الذاتي يرتفع

والمذاكره ،خذي لك ساعه قبلها تفرغ او شغل لطيف زي الذكر والتلاوه او التزيين والتجمل
اشغال ضروريه من يومك خلي وقتها قبل المذاكره
تكونين حولتي عقلك من العملي للتفكير


=====


طفلك الرضيع اشتري له محبس / مشايه
وقت شغلك ( ساعتين باليوم ) يجلس فيها لين تخلص كرف وقضينا

وترى ساعتين عصر ولا صبح مو لازم نجلس طول اليوم ننظف وننظف
واذا انكب شي ولا شي خلي بناتك مو صغيرات يعانونك
والفايده لهم هم اللي بيتوفقون لانهم يبرون والبر عظيم


والامور سهالات ان سهلتي عى نفسك تسهلتي
وان عسرتيس تعسّرتي ، وماراح يجيك الا المكتوب لك =)



والله يرزقك بالشغاله النظيفه الخدوم الغضيضه صافيه الطويه مسلمه

لأنك قارنتي وشوف فلان وعلان ماراح يجيب خلاص جيبي الي بالساعات مرتين مو مرة ومع الوقت امدحيه وعيدي اطلبي واطلبي خصوصا لو مرضتي تدلعي شوي عليه
لكن لا تقولين شوف فلان وجماعتك وووو نهائيا كانك تقولين له انت مقصر وبخيل وهم أفضل منك لذلك قولي تم وجيبيهم مرة ثم مرتين ثم ثلاث مرات الأسبوع واذا شاف ان كذا كثير وان وجود وحده دائمه أفضل لكم من ناحيه المصاريف بيجيب

مع ان أفضل لك ولراحتك النفسيه عدم وجود خادمه ماتعرفين إيش يصير وايش أخلاقها سواء مع بناتك أو زوجك أو حتى تكون تحب الشغل أو لا
لأنه الشغالات حظوظ

ثلاث اطفال وماقادره تنظمي وقتك يااختي والله الشغاله شر اذا دخلت البيت
اعرف ناس بيوتهم فيها اطفال اكثر من ثلاثه بس وفرت اجهزه في البيت ونظمت وقتها وكل شي تمام
الشغاله...شر ..لانظافه ولاامان تجيب لك الهم
انصحك ماتفكري بالشغاله ...اذا مضطره جيبي وحده جيبي اللي بالساعه ونظمي وقتك فقط والحياة تصير تمام
ولاتقارني حياتك بحياة غيرك لان من راقب الناس مات هما

سبحان الله كل الردود تحسسك انهم سوبر هيرو
شوفي يا اختي طالما ان الحمدلله الراتب زين و يزيد جيبي عاملة بنغلاديشية
راتبها ٨٠٠ و تقديمها ما يتجاوز ال10 آلاف
و ريحي عمرك و دلالك و جمالك و خلي طاقتك لزوجك و نفسك و سعادتك ،، و من هذا المدخل ادخلي لزوجك اني ابي اتفرغ لنفسي و لك ،، لا تجيبين طاري الناس و فلانه و علانه

احتسبي الاجر غاليتي